قر سىبايلاس جەمقورلىققا قارسى ءىس-قيمىل اگەنتتىگىنىڭ دەپارتامەنتى مەن ەلوردا اكىمدىگى اراسىندا ىنتىماقتاستىق تۋرالى مەموراندۋمعا قول قويىلدى.
تسيفرلىق تەحنولوگيالاردى ەنگىزۋ سىبايلاس جەمقورلىق تاۋەكەلدەرىن ايتارلىقتاي ازايتۋعا جانە ادامي فاكتوردى بولدىرماۋعا مۇمكىندىك بەرەدى. ەلوردا اكىمدىگى تۇراقتى نەگىزدە سىبايلاس جەمقورلىق تاۋەكەلدەرىنە, ونىڭ ىشىندە ۇيىمداستىرۋ-باسقارۋ قىزمەتىنە, نورماتيۆتىك-قۇقىقتىق اكتىلەر بويىنشا جانە مەملەكەتتىك ساتىپ الۋ بويىنشا ىشكى تالداۋ جۇرگىزەدى. ونىڭ قورىتىندىسى بويىنشا انىقتالعان تاۋەكەلدەر جويىلادى.
سىبايلاس جەمقورلىقتىڭ كەز كەلگەن كورىنىسىنە «مۇلدەم توزبەۋشىلىك» احۋالىن قالىپتاستىرۋعا باعىتتالعان سىبايلاس جەمقورلىققا قارسى ساياساتتىڭ تيىمدىلىگىن ارتتىرۋ ماقساتىندا اكىمدىك پەن ەلوردالىق سىبايلاس جەمقورلىققا قارسى قىزمەت دەپارتامەنتى سىبايلاس جەمقورلىققا قارسى كومپلاەنس ينستيتۋتىن ىلگەرىلەتۋ تۋرالى كەلىسىمگە قول جەتكىزدى. مەموراندۋمنىڭ ماقساتى – وڭىردە سىبايلاس جەمقورلىققا قارسى ساياساتتى ىسكە اسىرۋعا باعىتتالعان كەلىسىلگەن ءىس-قيمىلداردى ازىرلەۋ جانە اقپارات الماسۋ, سونداي-اق كومپلاەنس سالاسىنداعى مامانداردى ۇزدىكسىز وقىتۋ پروتسەسىن قامتاماسىز ەتۋ ارقىلى كورپوراتيۆتىك مادەنيەتتى دامىتۋ بولىپ تابىلادى.
«استانا – ادالدىق الاڭى» بىرلەسكەن جوباسى اياسىندا بارلىق ءتورت اۋدان اكىمدىگى فرونت-وفيس فورماتىنا كوشتى, اشىق اكىمدىك رەجيمىندە جۇمىس ىستەيدى, سونداي-اق اشىقتىق ماقساتىندا «اشىق بيۋدجەتتەردىڭ ينتەراكتيۆتى كارتاسى» جوباسى ىسكە اسىرىلۋدا, سىبايلاس جەمقورلىققا «مۇلدەم توزبەۋشىلىكتى» قالىپتاستىرۋ بويىنشا 224 قوعامدىق ءىس-شارا وتكىزىلدى.
«مەملەكەتتىك قىزمەتتەر اۆتوماتتاندىرىلىپ, ەلەكتروندىق فورماتقا كوشىرىلدى, بۇل ادامي فاكتور مەن سىبايلاس جەمقورلىق تاۋەكەلدەرىن جويادى. بۇعان تۇرعىن ءۇي سالاسىندا قىزمەت كورسەتەتىن بىرىڭعاي ورتالىق, «iQala», جانۇيا سياقتى ورتالىقتار دا كومەكتەسەدى. اتالعان ورتالىقتار «ءبىر تەرەزە» قاعيداتى بويىنشا قىزمەت كورسەتەدى. سونداي-اق ءبىلىم بەرۋ, دەنساۋلىق ساقتاۋ, كولىك سالالارىندا وڭتايلاندىرۋ جۇرگىزىلدى. بۇل مەكتەپتە تاماقتانۋدى مەملەكەتتىك ساتىپ الۋدى اۆتوماتتاندىرۋ, دەنساۋلىق پاسپورتتارىن تسيفرلاندىرۋ, اۆتوبۋستاردى ەلەكتروندىق تولەم جۇيەلەرىمەن 100% جاراقتاندىرۋ جانە ت.ب.» دەدى ەلوردا اكىمى التاي كولگىنوۆ.
مەملەكەت باسشىسى اتاپ وتكەندەي, «سىبايلاس جەمقورلىق قۇبىلىستارىنىڭ سەبەپتەرى مەن جاعدايلارىن جويمايىنشا, بۇل جەل ديىرمەندەرىنە قارسى كۇرەسپەن تەڭ». وسىعان بايلانىستى اكىمدىك قر سىبايلاس جەمقورلىققا قارسى ءىس-قيمىل اگەنتتىگىنىڭ ەلوردالىق دەپارتامەنتىمەن بىرلەسىپ, سىبايلاس جەمقورلىق قۇقىق بۇزۋشىلىقتاردىڭ الدىن الۋ, الدىن الۋ جانە جويۋ بويىنشا ۇلكەن جۇمىس اتقاردى. وسى باعىتتاعى جۇمىستار جالعاسادى.
