2018-2020 جىلدار ارالىعىندا جەمقورلىق دەڭگەيىن تومەندەتۋ – «استانا – ادالدىق الاڭىنىڭ» باستى ستراتەگياسى. سوندىقتان سىبايلاس جەمقورلىق جاساۋعا سەبەپ بولاتىن جاعدايلاردى شەشۋ ماقساتىندا نەگىزگى 7 باعىت انىقتالدى. جەتى جوبالىق توپ جانە ساراپشى كەڭەس پەن جوبالىق كەڭسە ەلوردامىزدىڭ ادال الاڭىن قۇرۋعا ناسيحاتتاپ كەلەدى.
اكىمشىلىك كەدەرگىلەر, باسشىلاردىڭ جەكە جاۋاپكەرشىلىكتەرىنىڭ بولماۋى, قوعامدىق باقىلاۋدىڭ جەتكىلىكسىزدىگى جەمقورلىققا اكەلەدى. جوبا ەڭ الدىمەن وسى ماسەلەلەردى شەشۋگە كۇش سالدى. ماسەلەن, مەملەكەتتىك قىزمەتتى تەز ءارى ساپالى ەتۋ ماقساتىندا بازانى بىرىكتىرۋ ارقىلى قىزمەت الۋشىلارعا قاجەتتى قۇجاتتاردى جيناۋ ءۇشىن قولايلى ءارى ءتيىمدى قىزمەت كورسەتە باستادى. ەلوردامىزدىڭ 80 مىڭنان استام زەينەتكەرى مەن 22 مىڭعا جۋىق مۇمكىندىگى شەكتەۋلى ازامات مەملەكەتتىك قىزمەتتى تەز ءارى ساپالى تۇردە الۋعا مۇمكىندىك الدى. «قولجەتىمدى حقو» اكتسياسى كەزىندە قالانىڭ 54 ۇيىمىنىڭ قىزمەتكەرلەرىنە 6 مىڭنان استام ەتسق بەرىلدى.
ەكىنشىدەن, جالعان مەديتسينالىق انىقتامالارعا جول بەرمەۋ ءۇشىن ءبىر تەرەزە قاعيداتى بويىنشا حقو ارقىلى مەديتسينالىق انىقتامالار, ۋاقىتشا ەڭبەككە جارامسىزدىق جانە سانيتارلىق كىتاپشالاردى بەرۋ تۋرالى ۇسىنىستار ەنگىزىلدى. مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ استانا قالاسى بويىنشا دەپارتامەنتى ورىنداعان تەرگەۋ ارەكەتتەرىنىڭ ءناتيجەسىندە 086 نىساندى انىقتامادان 200 بلانكى, 190 سانيتارلىق كىتاپشا, 80-نەن استام ءمور انىقتالىپ, جالعان مەديتسينالىق قۇجاتتار جاسايتىن قىلمىستىق توپ اشكەرەلەندى.
ۇشىنشىدەن, جوبا كەڭسەسى №10 قالالىق ەمحانا جۇمىسىن وڭتايلاندىرۋ اياسىندا ەمدەلۋشىلەرگە ارنايى باعىت-باعدار بەرەتىن جۇيەنى ىسكە قوستى. زاماناۋي تسيفرلىق دۇڭگىرشەكتەرمەن جابدىقتالعان ەمحانا جۇمىسى ونلاين-رەجىمگە كوشتى.
تورتىنشىدەن, مەكەمە باسشىلارىنىڭ «جەكە جاۋاپكەرشىلىك» قۇجاتى ازىرلەندى.
ارينە, كەز كەلگەن مەملەكەت شەتەلدىك تاجىريبەنى نازارعا العان ءجون. ماسەلەن, ەستونيادا اقپاراتتىق تەحنولوگيالىق كوممۋنيكاتسيالاردىڭ دامۋى 15 جاسقا تولعان ءاربىر ەستونيالىق ازاماتتىڭ ID كارتوچكاسىن يەلەنە الۋىنا مۇمكىندىك بەرەدى. سول بويىنشا مەملەكەتتىك قىزمەتتى كەدەرگىسىز الۋىنا بارىنشا جاعداي جاسالعان. ال كانادا تاجىريبەسىندە كورسەتىلەتىن قىزمەتتەر ساپاسىن ولشەۋدىڭ جالپى تەتىگى ساپانىڭ قاناعاتتانارلىق دارەجەسى مەن نەگىزگى كريتەريلەرىن انىقتاۋ ماقساتىندا جۇرگىزىلەدى. سمت 5 بالدىق شكالا بويىنشا ساپانى باعالاۋدىڭ پارامەترلەرىن قامتاماسىز ەتە وتىرىپ, جازباشا سۇراۋدى, عالامتور جانە تەلەفون ارقىلى ءۇش بولجامدى قولدانادى.
گۇلمارال سمات,
م.نارىكباەۆ اتىنداعى
قازاق گۋمانيتارلىق
زاڭ ۋنيۆەرسيتەتىنىڭ
4-كۋرس ستۋدەنتى
