«اكىمدىككە ءوتىنىش جازىپ, جەر الۋعا كەزەككە تۇرىپ الساڭدارشى». وسى ءسوزدى تۋىسقاندارىمىزدان, دوستارىمىزدان ءبىر ەمەس, بىرنەشە مارتە ەستىدىك. بۇعان اسا قۇلىقتى بولمادىق. ونىڭ ۇستىنە ءوتىنىش جازساق, جەردى جۋىردا الا قوياتىنىمىزعا سەنىڭكىرەمەدىك. شىنى كەرەك, مۇقتاجدىقتى دا سەزىنىپ وتىرعان جوقپىز. الايدا استانادان جەر الىپ, باسپانا تۇرعىزىپ الۋدى ارماندايتىن ادامداردىڭ سانى از ەمەستىگىن شامالايمىز. قر جەر كودەكسىنە سايكەس تە ءار قازاقستان ازاماتى تۇرعىن ءۇي سالۋ ءۇشىن 10 سوتىق جەر تەلىمىن تەگىن الا الادى. ءبىر عانا ماسەلە – سول تەلىمنىڭ اۋماعىنا ينجەنەرلىك جەلىلەر, سۋ مەن جارىق تارتىلعان بولۋى كەرەك.
زاڭدارعا باعىناتىن حالىق جەر تەلىمىنە كەزەگىنىڭ كەلۋىن سابىرلىقپەن كۇتىپ وتىرسا, زاڭعا پىسقىرماي, مەملەكەتكە ءتيىسىلى جەردى باسىپ العاندار دا بار بولىپ شىقتى. ماسەلەن, استانادا جىل باسىنان بەرى وسىنداي زاڭسىزدىق ءۇشىن 285 جەكە جانە زاڭدى تۇلعا اكىمشىلىك جاۋاپكەرشىلىككە تارتىلدى. باسىپ الىنعان جەر تەلىمدەرىنىڭ جالپى اۋماعى 25, 4 گەكتاردى قۇرادى. بۇگىنگى كۇنگە 117 زاڭبۇزۋشىلىققا جول بەرگەندەر ءوز ەركىمەن جاعدايدى تۇزەدى, 103 زاڭبۇزۋشىلىق بويىنشا سوت زاڭسىز سالىنعان نىسانداردى ءسۇرۋ جونىندە شەشىم شىعارىپ, 65 فاكت بويىنشا ماتەريالدار سوتتا جاتىر
ناقتى استاناعا كەلسەك, قازىرگى تاڭدا قالادا ينجەنەرلىك جەلىلەرمەن قامتاماسىز ەتىلگەن بوس الاڭدار جوق بولىپ تۇر. سوندىقتان باسپانا تۇرعىزۋعا جەر تەلىمىن بەرۋ مۇمكىن بولماي وتىر. استانا قالاسى جەر قاتىناستارى جانە جەردىڭ پايدالانۋى مەن قورعالۋىن باقىلاۋ باسقارماسىنىڭ ءبولىم باسشىسى, باس مەملەكەتتىك ينسپەكتوردىڭ ورىنباسارى ەربولات كۇمپەيىسوۆتىڭ ايتۋىنشا, ەلوردادا سوڭعى رەت جەر تەلىمدەرى 2007 جىلى بەرىلگەن. ول ۋاقىتتا ۇلى وتان سوعىسىنىڭ ارداگەرلەرى, مۇگەدەكتەر, ولاردىڭ جەسىرلەرى مەن وزگە دە وسىنداي جاندارعا تەڭەستىرىلگەندەرگە 1120 جەر تەلىمى بەرىلدى. ارادا ون جىل ءوتتى. بۇگىندەرى تەگىن جەر تەلىمىن الۋ كەزەگىندە 120 مىڭعا جۋىق ادام جينالىپ قالدى.
«قالادا جەكە تۇرعىن ءۇي سوعاتىن دايىن الاڭدار بولماعاندىقتان كەلەسى جىلعا دەيىن جەر تەلىمدەرى بەرىلمەيدى. بىراق ءبارى وسىلاي تۇرا بەرمەيدى, قالانىڭ باس جوسپارىنا سايكەس 2030 جىلعا دەيىن 15 مىڭعا جۋىق تەلىم بەرە الاتىنىمىزدى شامالاپ وتىرمىز. ال قازىر جەر تەلىمىن الۋعا دەگەن سۇرانىس باس جوسپاردىڭ جوبالىق قۋاتىنان 7 ەسە اسىپ تۇر» دەيدى ەربولات بولاتبەكۇلى.
زاڭدارعا باعىناتىن حالىق جەر تەلىمىنە كەزەگىنىڭ كەلۋىن سابىرلىقپەن كۇتىپ وتىرسا, زاڭعا پىسقىرماي, مەملەكەتكە ءتيىسىلى جەردى باسىپ العاندار دا بار بولىپ شىقتى. ماسەلەن, استانادا جىل باسىنان بەرى وسىنداي زاڭسىزدىق ءۇشىن 285 جەكە جانە زاڭدى تۇلعا اكىمشىلىك جاۋاپكەرشىلىككە تارتىلدى. باسىپ الىنعان جەر تەلىمدەرىنىڭ جالپى اۋماعى 25, 4 گەكتاردى قۇرادى. بۇگىنگى كۇنگە 117 زاڭبۇزۋشىلىققا جول بەرگەندەر ءوز ەركىمەن جاعدايدى تۇزەدى, 103 زاڭبۇزۋشىلىق بويىنشا سوت زاڭسىز سالىنعان نىسانداردى ءسۇرۋ جونىندە شەشىم شىعارىپ, 65 فاكت بويىنشا ماتەريالدار سوتتا جاتىر.
ەربولات كۇمپەيىسوۆتىڭ سوزىنشە, جەردى باسىپ العانداردى جەدەل انىقتاۋ جانە مۇنداي فاكتىلەرمەن كۇرەسۋ ماقساتىندا قالا اكىمدىگى جانىنان جۇمىس توبى قۇرىلدى. بۇل توپ قۇرىلعاننان بەرى زاڭسىز تۇرعىزىلعان پاۆيلوندار, دۇڭگىرشەكتەر, گاراجدار, دوڭگەلەك جوندەۋ ورىندارى, ت.ب. وسىنداي 600 نىساندى انىقتاپ, ونىڭ سالدارىن جويدى.
«جەر تەلىمدەرىن باسىپ الۋ نەگىزىنەن قالانىڭ ورتالىعىندا ەمەس, شاھاردىڭ شەتكەرى ايماقتارىندا ورىن الادى. اسىرەسە, ءوندىرىس جانە كيرپيچنىي تۇرعىن الاپتارىندا جاعدايدى ەرەكشە باقىلاۋعا الدىق. جەردى باسىپ الۋدىڭ جاڭا فاكتىلەرىن بولدىرماس ءۇشىن ۋچاسكەلىك ينسپەكتورلار بەكىتىلدى. سونىمەن بىرگە «گازوۆيك», «يكارۋس», «پولەت», «پوليانكا», «ۆرز-3», «زەلەنايا روششا-1», «زەلەنايا روششا-2» ساياجاي اۋماقتارىن جۇمىس توبى مۇقيات تەكسەرۋدە» دەيدى ول.
زاڭدارعا باعىناتىن حالىق جەر تەلىمىنە كەزەگىنىڭ كەلۋىن سابىرلىقپەن كۇتىپ وتىرسا, زاڭعا پىسقىرماي, مەملەكەتكە ءتيىسىلى جەردى باسىپ العاندار دا بار بولىپ شىقتى. ماسەلەن, استانادا جىل باسىنان بەرى وسىنداي زاڭسىزدىق ءۇشىن 285 جەكە جانە زاڭدى تۇلعا اكىمشىلىك جاۋاپكەرشىلىككە تارتىلدى. باسىپ الىنعان جەر تەلىمدەرىنىڭ جالپى اۋماعى 25, 4 گەكتاردى قۇرادى. بۇگىنگى كۇنگە 117 زاڭبۇزۋشىلىققا جول بەرگەندەر ءوز ەركىمەن جاعدايدى تۇزەدى, 103 زاڭبۇزۋشىلىق بويىنشا سوت زاڭسىز سالىنعان نىسانداردى ءسۇرۋ جونىندە شەشىم شىعارىپ, 65 فاكت بويىنشا ماتەريالدار سوتتا جاتىر
بۇگىنگى تاڭدا قر باس پروكۋراتۋراسىمەن بىرگە «جەر زاڭ بويىنشا – جەردى جاپپاي باسىپ الۋدى توقتاتايىق» جوباسى جۇزەگە اسىرىلىپ جاتىر. بۇل جوبانىڭ اياسىندا «قازاقستان عارىش ساپارى» ۇك» اق ناقتى ۋاقىت رەجيمىندە جەردى باسىپ الۋدىڭ عارىشتان تۇسىرىلگەن سۋرەتتەردى ۇسىنادى.
ەربولات بولاتبەكۇلىنىڭ ايتۋىنشا, بۇل ماسەلەگە بەيجاي قارامايتىن جۇرتتىڭ كومەگى دە كەرەك. وسىنداي زاڭسىزدىققا جولىققاندار قالا اكىمدىگى سايتىنداعى «جەر زاڭ بويىنشا» بولىمىنە حات جازا الادى نەمەسە 55-04-31, 55-14-94 تەلەفون نومىرلەرىنە استانا قالاسى جەر قاتىناستارى جانە جەردىڭ پايدالانۋى مەن قورعالۋىن باقىلاۋ باسقارماسىنا حابارلاي الادى.
