ءبىلىم بەرۋ گرانتتارىنىڭ كونكۋرسىنا ۇلتتىق بىرىڭعاي تەستىلەۋ قورىتىندىسى بەلگىلى بولعان سوڭ قاتىسۋعا بولادى, ال ول ءۇشىن تالاپكەر مىندەتتى تۇردە ماۋسىم ايىنداعى ۇبت-نى تاپسىرۋى قاجەت. تەستىلەۋ ناتيجەسىندە جوعارى بالل جيناعان تۇلەك جوعارى وقۋ ورنىندا مەملەكەتتىك بيۋدجەت تاراپىنان تەگىن وقۋ مۇمكىندىگىنە يە بولا الادى.
قاتىسۋ شارتتارى قانداي؟
ۇبت بالى بويىنشا ءبىلىم بەرۋ گرانتتارىنىڭ كونكۋرسىنا قاتىسۋ ءۇشىن:
- تومەنگى شەكتىك بالل ءتورت ءپان بويىنشا – 100-دەن 50 بالل;
- تالاپكەر بەيىندىك ءپان بويىنشا كەمىندە – 7 بالل (شىعارماشىلىق ەمتيحاننان كەمىندە 10), ال باسقا پاندەردەن كەمىندە 5 بالل جيناۋى كەرەك;
- ورىس تىلىندە وقىتاتىن مەكتەپتەر ءۇشىن قازاق ءتىلىنىڭ, ال قازاق تىلىندە وقىتاتىن مەكتەپتەر ءۇشىن ورىس ءتىلىنىڭ ناتيجەلەرى جوو-عا تۇسۋگە ەش اسەر ەتپەيدى;
- ءبىلىم بەرۋ گرانتتارىن تاعايىنداۋ جونىندەگى كونكۋرستا ۇبت-داعى ءتورت ءپاننىڭ – ماتەماتيكا, انا ءتىلى (وقىتۋ ءتىلى), قازاقستان تاريحى جانە تاڭداۋ ءپانى ناتيجەلەرى ەسكەرىلەدى.
ەگەر تالاپكەر پاندەردىڭ بىرىنەن 5-تەن تومەن بالل جيناعان جاعدايدا ءبىلىم بەرۋ گرانتتارىن تاعايىنداۋ كونكۋرسىنا دا قاتىستىرىلمايدى, اقىلى وقۋعا دا جىبەرىلمەيدى.
شەكتىك بالل قانشا؟
قر ۇكىمەتىنىڭ 2018 جىلعى 13 ماۋسىمداعى قاۋلىسىنا سايكەس, ءبىلىم بەرۋ گرانتتارىن تاعايىنداۋ كونكۋرسىنىڭ ەرەجەلەرى بويىنشا مىناداي شەكتىك بالدار بار:
- ۇلتتىق ستاتۋسىنا يە جوو-عا ءتۇسۋ ءۇشىن – كەمىندە 65 بالل;
- «ءبىلىم», «اۋىلشارۋاشىلىق عىلىمدارى» جانە «ۆەتەريناريا» ماماندىقتارىنا ءتۇسۋ ءۇشىن – كەمىندە 60 بالل;
- «جالپى مەديتسينا» ماماندىعىنا ءتۇسۋ ءۇشىن – كەمىندە 65 بالل;
- باسقا جوو-عا ءتۇسۋ ءۇشىن – كەمىندە 50 بالل.
كەرەكتى قۇجاتتار ءتىزىمى
كونكۋرسقا قاتىسۋ ءۇشىن مىناداي قۇجاتتار كەرەك:
- ارنايى بلانكىگە جازىلعان ءوتىنىش;
- ورتا ءبىلىم تۋرالى قۇجاتتىڭ تۇپنۇسقاسى (اتتەستات قوسىمشاسىمەن بىرگە);
- ۇبت نەمەسە تكت (تالاپكەرلەردى كەشەندى تەستىلەۋ) ناتيجەسىنىڭ سەرتيفيكاتى;
- 3ح4 فورماتتاعى 6 فوتوسۋرەت;
- جەكە باستى كۋالاندىراتىن قۇجاتتىڭ كوشىرمەسى;
- 086-ۋ فورماسىنداعى مەديتسينالىق انىقتاما;
- ەكپەلەر كارتاسىنىڭ كوشىرمەسى (كۇندىزگى وقۋ ءتۇرى ءۇشىن);
- جەڭىلدىكتى راستايتىن قۇجاتتاردىڭ نوتاريۋسپەن كۋالاندىرىلعان كوشىرمەسى (جەتىم جانە مۇگەدەك ازاماتتار ءۇشىن);
- تىركەۋ كۋالىگىنىڭ كوشىرمەسى (كۇندىزگى وقۋ ءتۇرى ءۇشىن).
قانداي تالاپكەرلەر جەڭىلدىككە يە؟
جەتىم جانە اتا-انا قامقورلىعىنسىز قالعان بالالار مەن ءبىرىنشى جانە ەكىنشى توپتاعى مۇگەدەكتەر ءبىلىم گرانتتارىن تاعايىنداۋ كونكۋرسىندا جەڭىلدىككە يە.
جەتىم بالالار تۋ تۋرالى كۋالىكتىڭ, جەكە باستى كۋالاندىراتىن قۇجاتتىڭ, اناسىنىڭ جانە/نەمەسە اكەسىنىڭ ءولىمى تۋرالى كۋالىكتىڭ كوشىرمەلەرى مەن قامقورلىققا الۋ تۋرالى شەشىمنىڭ ءۇزىندى كوشىرمەسىن وتكىزەدى.
اتا-انا قامقورلىعىنسىز قالعان بالالار تۋ تۋرالى كۋالىكتىڭ, جەكە باستى كۋالاندىراتىن قۇجاتتىڭ, اتا-اناسىنىڭ ءبىرىنىڭ ءولىمىن راستايتىن كۋالىكتىڭ كوشىرمەلەرى مەن سوت شەشىمىنىڭ ءۇزىندى كوشىرمەسىن (ەگەر اتا-اناسىنىڭ ءبىرى اتا-انالىق قۇقىقتان ايىرىلعان بولسا) جانە قامقورلىققا الۋ تۋرالى شەشىمنىڭ ءۇزىندى كوشىرمەسىن وتكىزەدى.
ءى جانە ءىى توپتاعى مۇگەدەكتەر مەن ءتۋابىتتى مۇگەدەكتىگى بار ازاماتتار ەڭبەك جانە حالىقتى الەۋمەتتىك قورعاۋ مينيسترلىگىنەن مۇگەدەكتىگى تۋرالى انىقتاما جانە تاڭدالعان ماماندىققا جارامدىلىعى جونىندە مەديتسينالىق انىقتاما وتكىزەدى.
قۇجاتتاردى قايدا تاپسىرۋ قاجەت؟
ءبىلىم بەرۋ گرانتتارىن تاعايىنداۋ جونىندەگى كونكۋرسقا قاتىسۋ ءۇشىن وتىنىشتەردى جوعارى وقۋ ورىندارىنداعى قابىلداۋ كوميسسيالارىنا تاپسىرۋ كەرەك.
گرانتتار كونكۋرسى 2019 جىلعى 27 شىلدە مەن 5 تامىز ارالىعىندا جۇرگىزىلەدى.
اقپاراتتى نۇر-سۇلتان قالاسى اكىمدىگىنىڭ جۇمىسپەن قامتۋ ورتالىعى ۇسىندى.
