بيىل جىل باسىنان بەرگى جول-كولىك وقيعالارىندا 58 بالا ءتۇرلى جاراقات الىپتى. ونىڭ ىشىندە 20 جەتكىنشەكتىڭ زارداپ شەگۋى اتا-انالاردىڭ سالعىرتتىعىنان ەكەن. سوندىقتان بالالاردىڭ زارداپ شەگۋىن ازايتۋعا باعىتتالعان شارالار كوپتەپ وتكىزىلگەنى ءجون-اق. استانا قالاسى ىشكى ىستەر دەپارتامەنتى جەرگىلىكتى پوليتسيا قىزمەتىنىڭ وكىلدەرى №8 ورتا مەكتەپ وقۋشىلارىمەن «ادىمداۋىش اۆتوبۋس» اتتى اكتسيا وتكىزدى.
«ابايلاڭىز, بالالار» دەپ اتالاتىن كەڭ اۋقىمدى الدىن الۋ شاراسى اياسىندا ۇيىمداستىرىلعان باسقوسۋدا ورتا جانە باستاۋىش سىنىپ وقۋشىلارى جولدا ءجۇرۋ ەرەجەلەرى مەن جول وبەكتىسىنىڭ ينفراقۇرىلىمىمەن كەڭىرەك تانىستى.
جول اپاتى جاعدايىندا بالالاردىڭ زارداپ شەگۋىن ازايتۋ ماقساتىنداعى اكتسيادا وقۋشىلار پوليتسيا ينسپەكتورلارىمەن جانە ۇستازدارىمەن بىرگە ازىرلەنگەن باعىتتا ءجۇرىپ ءوتتى. ولار جولاي جول بەلگىلەرىنە نازار اۋدارىپ, ەرەجەلەرگە قاتىستى ساۋالدارىنا جان-جاقتى جاۋاپ الدى. سونداي-اق, اكتسيا قاتىسۋشىلارىنا سۋرەتتەلگەن داپتەرلەر مەن جاياۋ جۇرگىنشىلەرگە قاۋىپتى ايماقتاردى ۇيرەتەتىن تاسپالار تاراتىلدى.
استانا قالاسى ىشكى ىستەر دەپارتامەنتى جەرگىلىكتى پوليتسيا قىزمەتىنىڭ ينسپەكتورى, پوليتسيا مايورى ايىمگۇل ۋاليەۆانىڭ ايتۋىنشا, جول ەرەجەلەرىنە ۇلكەندەردىڭ ءوزى جاۋاپكەرشىلىكپەن قاراۋى كەرەك. «جول ەرەجەلەرىن ۇيرەتۋگە, جول-كولىك وقيعالارىنىڭ الدىن الۋعا باعىتتالعان شارالاردى كوبىرەك ۇيىمداستىرعانىمىزدىڭ ارقاسىندا توتەنشە وقيعالاردى ازايتتىق دەپ ويلايمىز. بۇل سوزىمە ناقتى ساندار كۋا بولا الادى. ايتالىق, وتكەن جىلى ورىن العان جول اپاتتارىندا بۇلدىرشىندەردىڭ زارداپ شەگۋى مەن ءولىمى كوپ بولاتىن. ال بيىل وسىنداي شارالاردىڭ كوپتەپ وتكىزىلۋىنە بايلانىستى جول-كولىك وقيعالارى ازايدى» دەيدى ول.
