وسى ايدان باستاپ ەلوردالىقتار حالىققا قىزمەت كورسەتۋ ورتالىعىندا جۇمىسپەن قامتۋ ورتالىعىنىڭ قىزمەتتەرىن پايدالانا الادى.
ەلباسى «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» اتتى جولداۋىندا ۇكىمەتكە ەڭبەك نارىعىن جاڭعىرتىپ, جۇمىسپەن قامتۋ ورتالىقتارىن رەفورمالاپ, بارلىق بوس جۇمىس ورىندارىن قامتيتىن بىرەگەي ونلاين-پلاتفورما قۇرۋدى تاپسىرعان بولاتىن.
ەندى كەز كەلگەن قالا تۇرعىنى حالىققا قىزمەت كورسەتۋ ورتالىقتارىندا جۇمىسقا تۇرۋعا جاردەم الىپ, بوس ورىندار تۋرالى ءمالىمەت الادى. ال جۇمىسسىز بولعان جاعدايدا ورتالىقتا تىركەلىپ, مەملەكەتتىك قولداۋعا يە بولادى.
جۇمىسپەن قامتۋ ورتالىعىنىڭ ماماندارى دوستىق كوشەسى, 1 مەكەنجايىنداعى №1 بولىمشەدە, ساتباەۆ كوشەسى, 25 مەكەنجايىنداعى №4 بولىمشەدە, رەسپۋبليكا داڭعىلى, 43 مەكەنجايى بويىنشا ورنالاسقان №6 بولىمشەدە قىزمەت كورسەتەدى. الداعى ۋاقىتتا استانا قالاسىنىڭ بارلىق حالىققا قىزمەت كورسەتۋ ورتالىقتارىندا وسىنداي فيليالدار ىسكە قوسىلماق.
گۇلدانا تالعاتقىزى
