جۇمىسقا ورنالاسۋ ماسەلەسى قاشاندا وزەكتى ەكەنى بەلگىلى. وسى ورايدا استانا قالاسىنداعى جۇمىسپەن قامتۋ ورتالىعى جۇيەلى تۇردە جۇمىس ىستەۋدە. ماسەلەن, جىل باستالعالى بەرى ءۇش ايدىڭ ىشىندە اتالعان مەكەمەنىڭ ارقاسىندا 500-دەي ەلوردالىق ازامات ەكى قولعا ءبىر كۇرەك تاپقان. مەكەمە مالىمەتىندە ءدال قازىر 5 جارىم مىڭعا جۋىق بوس جۇمىس ورنى بار ەكەن.
حالىقتى جۇمىسپەن قامتۋ ورتالىعى
استانا قالاسى, بەيبىتشىلىك كوشەسى, 25-ءۇي مەكەنجايىنداعى «وركەن» ىسكەرلىك ورتالىعىندا ورنالاسقان.
ورتالىققا كەلەر الدىندا 57-88-88 تەلەفون ءنومىرى بويىنشا حابارلاسىپ, قىزىقتىرعان سۇراقتارىڭىزدى ناقتىلاپ الۋىڭىزعا بولادى.
جۇمىس ىزدەۋشى ازامات رەتىندە تىركەلۋ ءۇشىن ورتالىققا جەكە كۋالىك, ەڭبەك كىتاپشاسى جانە ءبىلىمىڭىز تۋرالى قۇجاتتى اپارۋ كەرەك.
اۋەلى ورتالىق ماماندارى دەرەكتەر بازاسىنا سۇيەنە وتىرىپ, سىزگە بوس جۇمىس ورىندارىن ۇسىنادى.
جۇمىس ۇسىنۋشى ۇيىمنىڭ اتاۋى, كاسىبي باعدارى, جالاقى مولشەرى, جۇمىس رەجيمى – بۇل سۇراقتارعا مەنەدجەرمەن اڭگىمەلەسۋ بارىسىندا-اق جاۋاپ الا الاسىز.
سونداي-اق مۇندا تۇيىندەمەنى ساۋاتتى قۇراستىرۋعا ۇيرەتەدى.
جۇمىس ىزدەۋشى ازامات ءوزىنىڭ بايلانىس نومىرلەرىن قالدىرۋى كەرەك, ەگەر وعان لايىق ۆاكانسيا تابىلعان جاعدايدا, ورتالىق ماماندارى دەرەۋ حابارلاسادى.
ورتالىق جۇمىس بەرۋشىگە قانداي قىزمەت كورسەتەدى؟
• دەربەس مەنەدجەردەن كەز كەلگەن سۇراق بويىنشا كونسۋلتاتسيا;
• جۇمىس بەرۋشىلەردىڭ ۆاكانسيالارىن اتالعان ورتالىقتا جانە ەلەكتروندى ەڭبەك بيرجاسىندا (enbek.kz) تىركەۋ;
• جۇمىس بەرۋشىلەردىڭ تالاپتارىنا ساي كەلەتىن ازاماتتى تاڭداۋ;
• جۇمىس بەرۋشىلەر مەن جۇمىس ىزدەۋشىلەردىڭ اڭگىمەلەسۋىن ۇيىمداستىرۋ;
• جۇمىس بەرۋشىلەردىڭ ءوتىنىشى بويىنشا پوتەنتسيالدى جۇمىسشىنى قىسقا مەرزىمدى كۋرستاردا وقىتۋدى ۇيىمداستىرۋ;
• ۋاقىتشا جۇمىس ورىندارىن قۇرۋدا مەملەكەتتىك سۋبسيديالار بەرۋ.
ورتالىق قانداي ءىس-شارالار ۇيىمداستىرادى؟
• بوس جۇمىس ورىندارىنىڭ جارمەڭكەلەرى;
• جۇمىس بەرۋشىلەر مەن ازاماتتاردى ەڭبەك نارىعىنداعى جاعداي تۋرالى اقپاراتتاندىرۋ;
• ستۋدەنتتەردىڭ ءتۇرلى ماماندىق وكىلدەرىمەن كەزدەسۋى.
2019 جىلدىڭ باسىنان بەرى 500-دەن استام ەلوردالىق تۇرعىن جۇمىسپەن قامتۋ ورتالىعىنىڭ كومەگىمەن جۇمىسقا تۇردى. شامامەن 200-دەي جاس مامان جاستار پراكتيكاسىنا جىبەرىلدى, 20 ازامات الەۋمەتتىك جۇمىس ورىندارىنا ورنالاستى. قازىرگى تاڭدا استانا قالاسى بويىنشا 5466 بوس جۇمىس ورنى بار. ونىڭ 2854-ءى – 100 مىڭ تەڭگەگە دەيىن, 2172-ءسى – 100 مىڭ تەڭگە مەن 150 مىڭ تەڭگە ارالىعىندا, ال 440-ى 150 مىڭ تەڭگەدەن جوعارى جالاقى ۇسىنادى.
ورتالىق جۇمىس ىزدەۋشىگە قالاي كومەكتەسەدى؟
• ازاماتتى جۇمىس ىزدەۋشى رەتىندە تىركەۋ;
• ازاماتتى جۇمىسسىز رەتىندە تىركەۋ;
• لايىقتى ۆاكانسيالاردى ىزدەۋ جانە جۇمىسقا ورنالاسۋعا كومەكتەسۋ;
• كاسىبي وقىتۋ;
• الەۋمەتتىك كاسىبي باعدارلاۋ;
• الەۋمەتتىك جۇمىس ورىندارىن ۇسىنۋ;
• قوعامدىق جۇمىستاردى ۇسىنۋ;
• جاستار پراكتيكاسى;
• ميكروكرەديت بەرۋ بويىنشا كەڭەستەر;
• ەرىكتى تۇردە قونىس اۋدارۋعا جاردەمدەسۋ;
• اتاۋلى الەۋمەتتىك كومەك;
• جۇمىستان شىققان جاعدايدا الەۋمەتتىك تولەم تولەۋ.
جۇمىسسىز رەتىندە تىركەلگەن ازاماتتارعا قانداي جەڭىلدىك بار
ەگەر ازامات ورتالىققا كەلگەن سوڭ ون جۇمىس كۇنىنىڭ ىشىندە وزىنە لايىقتى جۇمىس ورنىن تابا الماسا, ول جۇمىسسىز رەتىندە تىركەلە الادى. بۇل جاعدايدا ونىڭ مىناداي جەڭىلدىكتەرى بار:
• جۇمىسپەن قامتۋ ورتالىعى تەگىن كونسۋلتاتسيالىق جانە اقپاراتتىق قىزمەت كورسەتەدى;
• لايىقتى جۇمىس ورىندارىن ىزدەۋ بويىنشا قىزمەت كورسەتۋ;
• الەۋمەتتىك كاسىبي باعدارلاۋ;
• ەگەر ازامات مىندەتتى الەۋمەتتىك ساقتاندىرۋ جۇيەسىنىڭ قاتىسۋشىسى بولعان جاعدايدا, جۇمىستان شىققان كەزدە بەرىلەتىن الەۋمەتتىك تولەمدەر;
• اتاۋلى الەۋمەتتىك كومەك;
• مىندەتتى الەۋمەتتىك مەديتسينالىق ساقتاندىرۋ.
بوس جۇمىس ورىندارى
كادرلار بويىنشا مەنەدجەر – 2 ادام (جالاقىسى – 100 مىڭ تگ-دەن 150 مىڭ تگ-گە دەيىن)
«ساپا قىزمەت سەرۆيس» جشس
بۋحگالتەر – 1 ادام (جالاقىسى – 150 مىڭ تگ-دەن 180 مىڭ تگ-گە دەيىن)
جوعارى مەديتسينالىق كوللەدج
ەسەپ بويىنشا بۋحگالتەر – 1 ادام (جالاقىسى – 190 مىڭ تگ)
«ساپارجاي-استانا» جشس
انەستەزيولوگ جانە رەانيماتولوگ-دارىگەر – 2 ادام (جالاقىسى – 70 مىڭ تگ-دەن 120 مىڭ تگ-گە دەيىن)
№3 پەريناتالدى ورتالىق
باعدارلامالىق جاساقتاۋدى سۇيەمەلدەۋشى مامان – 1 ادام (جالاقىسى – 243 مىڭ تگ)
«Fortebank» اق
ماركەتينگ بويىنشا مامان – 1 ادام (جالاقىسى – 312 مىڭ تگ)
«Fortebank» اق
زاڭگەر – 1 ادام (جالاقىسى – 158 مىڭ تگ)
«Oil Real Estate» جشس استانا قالاسىنداعى فيليالى
كورسەتىلەتىن قىزمەت ساپاسىن تالداۋ جانە باقىلاۋ جونىندەگى باسشى – 1 ادام (جالاقىسى – 150 مىڭ تگ)
پسيحيكالىق دەنساۋلىق مەديتسينالىق ورتالىعى
ساۋدا اگەنتى – 2 ادام (جالاقىسى – 200 مىڭ تگ)
«Armenia KZ Union» جشس استانا قالاسىنداعى فيليالى
جوسپارلاۋ جونىندەگى ەكونوميست – 1 ادام (جالاقىسى – 140 مىڭ تگ)
دەرماتولوگيا جانە جججا الدىن الۋ ورتالىعى
فارماتسەۆت-تەحنولوگ – 1 ادام (جالاقىسى – 87400 تگ-دەن 100 مىڭ تگ-گە دەيىن)
«University medical center» قق
سلەسار-سانتەحنيك – 1 ادام (جالاقىسى – 75 مىڭ تگ-دەن 85 مىڭ تگ-گە دەيىن)
«كەرۋەن» كينوپاركى
اسپاپتاردى, اپپاراتۋرانى جانە اۆتوماتتى باقىلاۋ, رەتتەۋ جانە باسقارۋ جۇيەسىن باپتاۋشى – 1 ادام (جالاقىسى – 200 مىڭ تگ-دەن 250 مىڭ تگ-گە دەيىن)
«Andromed Astana» جشس
پەرسونالمەن جۇمىس جونىندەگى مامان – 1 ادام (جالاقىسى – 138 مىڭ تگ)
«Fortebank» اق
ءونىم جونىندەگى مەنەدجەر – 3 ادام (جالاقىسى – 100 مىڭ تگ-دەن 500 مىڭ تگ-گە دەيىن)
«H-Group Atlet» جشس
راديوناۆيگاتسيا, راديولوكاتسيا جانە بايلانىس بويىنشا تەحنيك – 1 ادام (جالاقىسى – 100 مىڭ تگ)
«گنب-سترويسەتي» جشس
ارماتۋراشى – 30 ادام (جالاقىسى – 150 مىڭ تگ)
«Bazis Construction» جشس استانا قالاسىنداعى فيليالى
