قازاقستان حالىق پارتياسىنىڭ اتىنان پارلامەنت ءماجىلىسىنىڭ دەپۋتاتتىعىنا ۇمىتكەرلەر گاۋھار نۇعمانوۆا مەن نۇربولات تەمىروۆ پاۆلودار وبلىسى اقسۋ قالاسىنىڭ فەرروقورىتپا زاۋىتىنىڭ جۇمىسكەرلەرىمەن كەزدەستى.
كەزدەسۋ بارىسىندا سايلاۋالدى باعدارمالامانىڭ نەگىزگى تۇجىرىمداماسىن ءتۇسىندىرىپ ءوتتى. جۇمىسشىلار قۇقىقتارىن قورعايتىن تاۋەلسىز كاسىپوداقتارعا قولداۋ كورسەتۋ كەرەكتىگىن اتاپ ءوتتى.
كەيىنىرەك ۇمىتكەرلەر قالا تۇرعىندارىمەن دە كەزدەسۋ وتكىزدى. سايلاۋشىلارمەن بولعان كەزدەسۋدە پارتيا مۇشەسى حالىقتىڭ كوپ بولىگىن تولعاندىرىپ وتىرعان وزەكتى ماسەلەلەرگە توقتالدى. اتاپ ايتقاندا, تەگىن ءبىلىم, مەديتسينا, تۇرعىن ءۇي جانە تاعى دا باسقا ماسەلەلەر كوتەرىلدى. كەزدەسۋ بارىسىندا گ.نۇعمانوۆا قازاقستاندا ازاماتتاردىڭ جايلى جانە قاۋىپسىز جاعدايدا ءومىر ءسۇرۋ ساپاسىنىڭ ەڭ تومەنگى ستاندارتتارىن زاڭنامالىق تۇردە بەكىتۋ قاجەت ەكەنىن اتاپ ءوتتى.
– كەپىلدەندىرىلگەن پاكەتكە جاڭا ەكولوگيالىق تالاپتاردىڭ مىندەتتى تۇردە ساقتالۋى, بارلىق ەلدى مەكەندەردە جولدار, الەۋمەتتىك نىساندار (بالاباقشالار, مەكتەپتەر, ەمحانالار) مەن دەمالىس ورىندارىنىڭ سالىنۋى تيىستىگى سەكىلدى باعىتتار ەنۋى كەرەك. ءبىز قازاقستاندىقتار ءۇشىن جەر ماسەلەسىن تۇبەگەيلى شەشەمىز. ءار وتباسى ءۇي سالىپ, ءۇي شارۋاشىلىعىن جۇرگىزۋ ءۇشىن 20 سوتىق جەر الادى. مەملەكەت بۇل ۋچاسكەلەرگە قاجەتتى بارلىق ينفراقۇرىلىمدى جۇرگىزەدى. ازاماتتار ءۇشىن ۇيلەردىڭ ۇلگىلىك جوبالارى ازىرلەنەدى جانە تەگىن ۇسىنىلادى, – دەدى گاۋھار نۇعمانوۆا.
ونىڭ ايتۋىنشا, قازاقستان حالىق پارتياسى ادام ەڭبەگىنىڭ قۇندىلىعىن تۇبەگەيلى قايتا قاراۋعا ۇمتىلادى. «بۇگىنگى تاڭدا قازاقستاندىقتاردىڭ ەڭبەگى دۇرىس باعالانبايدى. سوندىقتان ءبىز وندىرىستەگى جانە زياتكەرلىك سالاداعى كادرلاردى جوعالتىپ وتىرمىز. جىل سايىن, نەگىزىنەن, ەڭبەككە قابىلەتتى جاستاعى ونداعان مىڭ قازاقستاندىق كاسىبي الەۋەتتىڭ جوقتىعىنان ەلدەن كەتىپ تىنادى. جاعداي بۇلاي جالعاسا بەرمەۋى كەرەك» دەدى گاۋھار نۇعمانوۆا.
ۇمىتكەر جەرگىلىكتى تۇرعىندارعا قحپ-نىڭ قاي باعىتتى ۇستاناتىنىن, ونىڭ مۇشەلەرى قانداي ماسەلەلەردى كوتەرەتىنىن ەگجەي-تەگجەيلى ايتىپ بەردى. اتاپ ايتقاندا, پارتيا ازاماتتاردىڭ قۇقىقتارىن قورعاۋ, الەۋمەتتىك كەپىلدىكتەر, تولەمدەر, جاستار ءۇشىن تەڭ مۇمكىندىكتەر جاساۋ, ايەلدەر مەن بالالاردىڭ قۇقىقتارىن قولداۋ جانە ساقتاۋ سەكىلدى وزەكتى ماسەلەلەردى دە كوتەرۋگە نيەتتى. گاۋھار نۇعمانوۆانىڭ سايلاۋشىلارمەن كەزدەسۋى قازاقستان حالىق پارتياسىنىڭ سايلاۋالدى ۇگىت-ناسيحات ناۋقانى اياسىندا ۇيىمداستىرىلدى.