قازىرگى تاڭدا كەز كەلگەن ادام ءۇشىن ەڭبەك شارتتارىنىڭ بۇزىلماۋى, جۇمىس ورنىنىڭ ساقتالىپ, ايلىعىنىڭ ۋاقىتىندا تولەنۋى جانە ەڭبەك جاعدايىنىڭ ناشارلاپ كەتپەۋى اسا ماڭىزدى. بۇل باعىتتا استانا قالالىق ورتا ساپاسى جانە باقىلاۋ باسقارماسى جىل باسىنان بەرى 267 تەكسەرۋ جۇرگىزدى. اعىمداعى جىلدىڭ 31 قاڭتارىنداعى جاعداي بويىنشا سەگىز كاسىپورىنداعى 66 قىزمەتكەردىڭ الدىندا بەرەشەك 38,2 ملن تەڭگەنى قۇرادى. جۇرگىزىلگەن جۇمىستاردىڭ ناتيجەسىندە جالاقى بويىنشا 430 ملن تەڭگە بەرەشەك وتەلدى, وسىلايشا 1758 قىزمەتكەردىڭ قۇقىعى قورعالدى.
استانادا 1758 قىزمەتكەردىڭ قۇقىعى قورعالدى جانە ولارعا 430 ملن تەڭگە جالاقى بويىنشا بەرەشەك قايتارىلدى. الەۋمەتتىك جانە ەڭبەك قاتىناسىن رەتتەۋ ماقساتىندا قالادا 34 مىڭنان استام ۇجىمدىق شارت جاسالدى. بۇل تۋرالى قالالىق ورتا ساپاسى جانە باقىلاۋ باسقارماسىنىڭ باسشىسى داۋلەت دوسقۇلوۆ استانا قالاسى كوممۋنيكاتسيالار الاڭىندا وتكەن ءباسپاسوز ءماسليحاتى بارىسىندا مالىمدەدى.
ساۋلەت-قۇرىلىس باقىلاۋىن جۇزەگە اسىرۋ ناتيجەسى بويىنشا 121 ملن تەڭگەدەن استام سوماعا 477 سۋبەكت جاۋاپكەرشىلىككە تارتىلىپ, قۇرىلىس سالۋشىلار, مەردىگەرلىك ۇيىمدار, جوبالاۋ جانە ساراپتاما كومپانيالارى ورىنداۋعا مىندەتتى ەسكەرتۋلەردى جويۋ ءۇشىن 210 ۇيعارىم ەنگىزىلدى.
– اكىمشىلىك ءىس جۇرگىزۋ شەڭبەرىندە زاڭسىز قۇرىلىس بويىنشا پارمەندى سانكتسيالاردىڭ بولماۋىنا بايلانىستى قۇرىلىستى زاڭسىز دەپ تانۋ جانە ونى بۇزۋ تۋرالى, سونداي-اق نۇسقامالار تالاپتارىن ورىنداۋدى ماجبۇرلەۋ تۋرالى تالاپ قويۋدىڭ سوت پراكتيكاسى جولعا قويىلدى. سوت ارقىلى 5 تالاپ-ارىز قاناعاتتاندىرىلدى. سوڭعى ءۇش جىلداعى كورسەتكىش بويىنشا اكىمشىلىك ىستەر سانى ازايعان. بۇدان باسقا, سوت اكتىلەرىن ماجبۇرلەپ ورىنداۋ بويىنشا سوت ورىنداۋشىلارىمەن بىرلەسە وتىرىپ جۇمىس ۇيلەستىرىلدى. وسى ارالىقتا 40-تان استام سوت اكتىسى ورىندالدى, – دەدى د.دوسقۇلوۆ.
قۇرىلىس جۇمىسى تالاپقا ساي
بۇگىنگى تاڭدا قالالىق ورتا ساپاسى جانە باقىلاۋ باسقارماسى بازاسىندا ەلوردادا سالىنىپ جاتقان 1523 نىسان تىركەلگەن. ونداعى قۇرىلىستىڭ بارىسى مەن ساپاسىن باسقارمادا تاعايىندالعان جاۋاپتى تەحنيكالىق قاداعالاۋ ساراپشىسى باقىلايدى. باسقارما باسشىسىنىڭ ايتۋىنشا, ول اي سايىن سالىنىپ جاتقان قۇرىلىس جۇمىسىنىڭ بارىسى تۋرالى ەسەپ بەرىپ وتىرادى.
– اي سايىن قالاداعى قۇرىلىس وبەكتىلەرىندە جۇرگىزىلىپ جاتقان جۇمىستار تۋرالى مەكەمەگە 1000-نان استام ەسەپ كەلىپ تۇسەدى جانە سول تالداۋلاردىڭ قورىتىندىسى بويىنشا جول بەرىلگەن قاتە-كەمشىلىك ءۇشىن ءتيىستى شارالار قابىلدانادى. ەلورداداعى قۇرىلىس نىساندارىنىڭ سالىنۋ بارىسىن قاداعالاپ وتىراتىن «ە-Qurylys» اقپاراتتىق جۇيەسىنىڭ ناتيجەلەرى بويىنشا تەحنيكالىق قاداعالاۋ ساراپشىلارى قۇرىلىس ۇيىمدارىنىڭ دەنى تالاپتارعا ساي جۇمىس ىستەپ جاتىر, – دەدى باسقارما باسشىسى.
تۇرعىن ءۇي قۇرىلىسىنا ۇلەستىك قاتىسۋ سالاسىنداعى مەملەكەتتىك باقىلاۋدى جۇزەگە اسىرۋ ناتيجەسىندە جەرگىلىكتى اتقارۋ ورگاندارى 2018 جىلدان باستاپ 2022 جىلدىڭ اعىمداعى ۋاقىتىنا دەيىنگى كەزەڭدە 320-باپتىڭ 1-ءبولىمى بويىنشا 143 قۇرىلىس ۇيىمى انىقتالىپ, اكىمشىلىك جاۋاپكەرشىلىككە تارتىلدى.
ساۋلەت-قۇرىلىس باقىلاۋىن جۇزەگە اسىرۋ ناتيجەسى بويىنشا 121 ملن تەڭگەدەن استام سوماعا 477 سۋبەكت جاۋاپكەرشىلىككە تارتىلىپ, قۇرىلىس سالۋشىلار, مەردىگەرلىك ۇيىمدار, جوبالاۋ جانە ساراپتاما كومپانيالارى ورىنداۋعا مىندەتتى ەسكەرتۋلەردى جويۋ ءۇشىن 210 ۇيعارىم ەنگىزىلدى
«الداعى ۋاقىتتا قۇرىلىسى ۇزاققا سوزىلعان نىساندار تەكسەرىلىپ, 310433,73 شارشى مەتر تۇرعىن ءۇي-جايدى پايدالانۋعا بەرۋ جوسپارلانۋدا» دەدى باسقارما باسشىسى.
1758 قىزمەتكەردىڭ قۇقىعى قورعالدى
ەڭبەك قاتىناسى, ەڭبەك قاۋىپسىزدىگى جانە ەڭبەكتى قورعاۋ سالاسىنداعى باقىلاۋدى جۇزەگە اسىرۋ ناتيجەسى بويىنشا 267 تەكسەرۋ جۇرگىزىلدى.
– ەڭبەكتى قورعاۋ – ەرەكشە باقىلاۋدا. اعىمداعى جىلدىڭ 31 قاڭتارىنداعى جاعداي بويىنشا سەگىز كاسىپورىنداعى 66 قىزمەتكەردىڭ الدىندا بەرەشەك 38,2 ملن تەڭگەنى قۇرادى. جۇرگىزىلگەن جۇمىس ناتيجەسى بويىنشا 430 ملن تەڭگە جالاقى بويىنشا بەرەشەك وتەلدى, وسىلايشا 1758 قىزمەتكەردىڭ قۇقىعى قورعالدى. الەۋمەتتىك جانە ەڭبەك قاتىناسىن رەتتەۋ ماقساتىندا قالادا 34 مىڭنان استام ۇجىمدىق شارت جاسالدى, – دەدى د.دوسقۇلوۆ.
جازاتايىم وقيعالاردىڭ كوپشىلىگى قۇرىلىس نىسانىندا بولادى. كاسىپورىندارداعى وسىنداي وقيعالار سالدارىنان 55 قىزمەتكەر زارداپ شەكتى.
مەملەكەتتىك ەڭبەك ينسپەكتورلارى قالانىڭ كاسىپوداق ورتالىعىمەن جانە قر جۇمىس بەرۋشىلەردىڭ (كاسىپكەرلەردىڭ) ۇلتتىق كونفەدەراتسياسىمەن بىرلەسىپ, كاسىپورىنداردا ەڭبەك قاۋىپسىزدىگى جانە ەڭبەكتى قورعاۋ جونىندەگى تالاپتاردى ساقتاۋ بويىنشا ءتۇسىندىرۋ جۇمىسىن جۇرگىزەدى. اعىمداعى جىلى 3900-دەن استام قىزمەتكەردى قامتۋمەن وسىنداي 135 كەزدەسۋ ۇيىمداستىرىلدى.
جانۋارلاردى قورعاۋ – باستى نازاردا
باسقارما ۆەتەرينارلىق جانە فيتوسانيتارلىق قاۋىپسىزدىكتى ۇيىمداستىرۋ سالاسىنداعى جۇمىستى تۇراقتى تۇردە جۇرگىزىپ كەلەدى.
– بۇگىنگى تاڭدا استانا قالاسىنىڭ اۋماعىندا بارلىعى 2361 جانۋار, ونىڭ ىشىندە 269 باس ءىرى قارا مال, 1642 باس ۇساق مال, 4 باس شوشقا, 446 باس جىلقى انىقتالدى. 2022 جىلى اۋىل شارۋاشىلىعى جانۋارلارىن ۇستاۋمەن اينالىساتىن جەكە جانە زاڭدى تۇلعالاردىڭ جالپى سانى – 91. وتكەن 2022 جىلى اسا قاۋىپتى اۋرۋلارعا قارسى 2957 دياگنوستيكالىق زەرتتەۋ جۇرگىزىلسە, 2023 جىلى 3250 زەرتتەۋ جۇرگىزۋ جوسپارلانىپ وتىر, – دەدى باسقارما باسشىسى.
جانۋارلاردى ۆاكتسيناتسيالاۋ بويىنشا 27505 مانيپۋلياتسيا جۇرگىزىلدى. 2023 جىلى قۇس تۇماۋىنا قارسى 5 مىڭ ۆاكتسيناتسيا جۇرگىزۋ جوسپارلانۋدا. سونداي-اق, جىل سوڭىنا دەيىن قالاداعى 3500-گە جۋىق قاڭعىباس جانۋار مەن مىسىق تەگىن زارارسىزداندىرىلادى.
– سونداي-اق, استانا قالاسىنىڭ اۋماعىندا 2023 جىلى اۋىل شارۋاشىلىعى داقىلدارىنىڭ زياندى جاندىكتەرىنە, اتاپ ايتساق, شەگىرتكەلەرگە قارسى 700 گا القاپتى وڭدەۋ جوسپارلانۋدا. وتكەن كەزەڭدە كومپانيالار مەن جەكە تۇلعالارعا 927 ليتسەنزيا بەرىلدى. ساۋلەت, قالا قۇرىلىسى جانە قۇرىلىس قىزمەتى سالاسىندا ساراپتامالىق جانە ينجينيرينگتىك قىزمەتتەردى جۇزەگە اسىراتىن 221 ساراپشى اتتەستاتتاۋدان ءوتتى. ساۋلەت, قالا قۇرىلىسى جانە قۇرىلىس سالاسىنداعى جوبالاردى باسقارۋ بويىنشا بارلىعى 61 كومپانيا اككرەديتتەلدى. تەحنيكالىق ينسپەكتسيا ستاندارتتار مەن رەگلامەنتتەردىڭ تالاپتارىن بۇزباي, بەلگىلەنگەن مەرزىمدە 5810 مەملەكەتتىك قىزمەت كورسەتتى, – دەدى د.دوسقۇلوۆ.
