29 قىركۇيەك – دۇنيەجۇزىلىك جۇرەك كۇنى. وسى كۇنگە وراي «جۇرەكتى ساقتاڭىز» اتتى اكتسياسى وتەدى.
ەگەر كۇتىمى دۇرىس بولسا, ادام جۇرەگى 150 جىلعا دەيىن جۇمىس ىستەۋگە قاۋقارلى ەكەن. الايدا قازىرگى كۇنى جۇدىرىقتاي بولسا دا, قۋاتتى جۇرەك سوعىسى «كەپىلدىك مەرزىمىنەن» الدەقايدا ەرتەرەك ۇزىلەتىن بولدى. كۇللى الەمدى الاڭداتىپ وتىرعان جۇرەك-قان تامىرلارى اۋرۋلارىنان كوز جۇمۋ كورسەتكىشى ەلىمىزدە دە ءبىرىنشى ورىندا. سوندىقتان دۇنيەجۇزىن الاڭداتىپ وتىرعان دەرتتىڭ الدىن الۋ ءۇشىن ادام ۇدايى دارىگەردىڭ باقىلاۋىنان ءوتىپ, تەكسەرىلىپ تۇرۋى كەرەك. 28 قىركۇيەكتە ساعات 14.00-دەن 17.00-گە دەيىن رەسپۋبليكا داڭعىلى, 45 مەكەنجايىندا ورنالاسقان «مەچتا» ساۋدا ۇيىندە وتەتىن اكتسيا دا وسى ماقساتتى كوزدەيدى. ءدال وسى كۇنى جۇرتشىلىققا كارديولوگ ماماندار تەگىن كەڭەس بەرىپ, جۇرەگىڭىز قالاي سوعىپ تۇرعانى تۋرالى ايتىپ بەرەدى.
سونداي-اق, ماماندار قاننىڭ قۇرامىنداعى حولەستەرين مەن قانت دەڭگەيىن انىقتايدى, قان قىسىمىن دا ولشەپ بەرەدى.
مامانداردىڭ ايتۋىنشا, جۇرەك اۋرۋىنا كىنالى – ەڭ اۋەلى ادامداردىڭ وزدەرى. اراق-شاراپ پەن تەمەكىگە ۇيىرسەكتىك, ادام پسيحولوگياسىنىڭ داعدارىسقا, سترەسكە ءجيى ۇشىراۋى, تاعام رەجيمىنىڭ بۇزىلۋى, قوزعالىستىڭ ازدىعى – ءبارى دە جۇرەككە سالماق ءتۇسىرىپ, قان اينالىمىن وزگەرىسكە ۇشىراتادى. شەكتەن تىس سەمiرۋ دە جۇرەكتiڭ دۇرىس جۇمىس ىستەمەۋىنە اكەلىپ سوعادى. سەمىزدىككە ۇشىراعانداردىڭ كوپشىلىگى – جۇرەك-قان تامىرلارى دەرتىنە دۋشار بولادى. سوندىقتان سالاۋاتتى ءومىر سالتىن ساقتاپ, تاماقتانۋ مادەنيەتىن مەڭگەرگەن ءجون دەيدى اقجەلەڭدىلەر.
