ەلوردانى دامىتۋدىڭ 5 جىلعا ارنالعان بەكىتىلگەن كەشەندى جوسپارىنا سايكەس, قالاداعى جول جانە ينجەنەرلىك ينفراقۇرىلىم ماسەلەلەرى بىرتىندەپ شەشىلۋدە. ونىڭ ىشىندە جىلى ايالدامالاردى ىسكە قوسۋ دا بار.
جۋىردا «جاعالاۋ» شاعىن اۋدانىندا دا اقىلدى ايالداما پايدا بولىپ, سوڭعى كەزدەرى سانى ايتارلىقتاي كوبەيگەن تۇرعىندارىن قۋانتتى. قالانىڭ شەتكەرى اۋداندارى مەن وڭ جاعالاۋداعى كەيبىر كوشە تۇرعىندارى دا قالا اكىمىمەن كەزدەسۋ بارىسىندا سۋىقتان, جەلدەن, جاڭبىردان قورعايتىن اقىلدى ايالداما قاجەتتىلىگى تۋرالى ماسەلە كوتەرگەنى بەلگىلى. نۇر-سۇلتان قالالىق اكىمدىگىنىڭ جول قوزعالىسى قاۋىپسىزدىگى جانە كولىك ينفراقۇرىلىمى ءبولىمىنىڭ باسشىسى رۋسلان ابدۋاليەۆتىڭ ايتۋىنشا, بۇگىنگى تاڭدا جىلى پاۆيلونداردىڭ 76 بىرلىگى قالانىڭ وڭ جاعالاۋىندا, 27-ءسى سول جاعالاۋدا ورنالاسقان. «باسقارما ارقىلى 2015 جىلى – 27 بىرلىك; 2018 جىلى – 57 بىرلىك ايالداما, سونداي-اق, قالانىڭ اۋدان اكىمدىكتەرى ارقىلى – 4 بىرلىك, «استانا» اكك (الەۋمەتتىك كاسىپكەرلىك كورپوراتسياسى) «ۇك» اق ينۆەستورلارىن تارتا وتىرىپ, 14 بىرلىك ايالداما پايدالانىلۋعا بەرىلدى. جابىق ايالدامالىق پاۆيلوندار قالانىڭ ايالداما بەكەتتەرىندەگى جولاۋشىلار اعىندارىنا تالداۋ جۇرگىزۋ نەگىزىندە جابدىقتالعان. ول جەردە الەۋمەتتىك ماڭىزى بار نىسانداردىڭ ء(بىلىم بەرۋ, دەنساۋلىق ساقتاۋ جانە ت.ب.) بولۋى دا ەسكەرىلەدى. قازىرگى ۋاقىتتا باسقارمانىڭ جابىق پاۆيلونداردى قۇرۋ جوسپارى قاراستىرىلماعان, ويتكەنى بۇل باعدارلاما ينۆەستورلار ەسەبىنەن مەملەكەتتىك جەكە سەرىكتەستى تارتۋ ارقىلى جۇزەگە اسىرىلاتىن بولادى. اعىمداعى جىلدىڭ سوڭىنا دەيىن «استانا» اكك »ۇك» اق ينۆەستيتسيالىق جوباسى اياسىندا ينۆەستورلار ەسەبىنەن ايالدامالاردىڭ جابىق كۇتۋ پاۆيلوندارىن بولشەك ساۋدا ورىندارىمەن (12 بىرلىك) جابدىقتاۋ جوسپارلانۋدا. ينتەرۆالدى قىسقارتۋ كەزىندە ايالدامالاردىڭ جولاۋشىلار سۇرانىسىنا تولىق جاۋاپ بەرەتىنى ەسكەرىلدى, ەگەر قاجەتتىلىك تۋىنداسا, وندا قوسىمشا ايالدامالار ورنالاستىرىلادى» دەيدى جول قوزعالىسى قاۋىپسىزدىگى جانە كولىك ينفراقۇرىلىمى ءبولىمىنىڭ باسشىسى.
ال ەندى وسى ەل يگىلىگى ءۇشىن دەپ قىرۋار قارجىعا سالىنعان ايالدامالاردىڭ بۇزاقىلاردان قورعالۋى قالاي؟ ونى ايتىپ وتىرعانىمىز – بيىلعى قىستا ەكى ماس ادامنىڭ مومىشۇلى مەن ساتباەۆ كوشەلەرىندەگى ايالدامالاردى ادەيى قيراتقانىن بىلەمىز. جول قوزعالىسى قاۋىپسىزدىگى جانە كولىك ينفراقۇرىلىمى ءبولىمىنىڭ باسشىسى رۋسلان ابدۋاليەۆتىڭ ايتۋىنشا, نۇر-سۇلتان ءىىب جەدەل باسقارۋ ورتالىعى كۇندەلىكتى قوعامدىق ءتارتىپتى جانە ءتارتىپتى قاداعالايدى. قوعامدىق كولىكتىڭ توقتاۋ نۇكتەلەرىندە ەرەجە بۇزۋشىلىق انىقتالعان جاعدايدا, شارا قولدانۋ ءۇشىن پوليتسيا جاساعى جىبەرىلىپ, بۇل جاعدايلاردى ازايتۋ ءۇشىن پروفيلاكتيكالىق جۇمىستار جۇرگىزىلەدى.
ەلوردا اكىمى التاي كولگىنوۆ قالا تۇرعىندارىمەن كەزدەسۋدە بيىلعى جىلى ەلوردانىڭ شەت ايماقتارىن دامىتۋعا, ينجەنەرلىك جەلىلەر, جولدار مەن اباتتاندىرۋعا 7,5 ميلليارد تەڭگە بولىنگەنىن ايتقان بولاتىن. قالا اكىمى 16 تۇرعىن ءۇي الابىنا بارعان كەزدە «جەلەزنودوروجنىي» تەمىرجول ستانتسياسى تۇرعىندارى وزدەرى ءۇشىن وزەكتى ايالداما پروبلەماسىن جەتكىزگەن ەدى. ارنايى مالىمەتكە قاراعاندا, وسى جىلدىڭ ءۇشىنشى توقسانىندا «جەلەزنودوروجنىي» تەمىرجول ستانساسى «اسكەري ءبولىم» ايالداماسىندا جابىق پاۆيلون (جىلى) ورناتىلىپتى. ايالدامانىڭ قاجەتتىلىگىن جەتكىزگەندەر اراسىندا ينتەرناتسيونالنىي تۇرعىن ءۇي الابى تۇرعىندارى دا بار. الداعى كۇندەرى قر قۇرىلىس نورمالارى مەن ەرەجەلەرى «استانا قالاسىن جوسپارلاۋ جانە دامىتۋ» قۇرىلىس جوباسى اياسىندا ستاندارتتى قاشىقتىقتاردى ەسكەرە وتىرىپ, قوسشىعۇلۇلى مەن «ينتەرناتسيونالنىي» تۇرعىن ءۇي الابىندا قوعامدىق كولىكتەردىڭ ايالدامالارىن ۇيىمداستىرۋ قاراستىرالماق.
