قازاقستاندا جاڭا ەلەكتورالدىق كەزەڭ باستالدى. رەفەرەندۋمنان كەيىن ەلدىڭ بىرقاتار ساراپشىلارى كونستيتۋتسيالىق رەفورمانىڭ بارىسى پرەزيدەنتتىك جانە پارلامەنتتىك سايلاۋ وتكىزۋ قاجەتتىلىگىن بىلدىرەدى دەگەن ەدى. ساراپشىلار رەفەرەندۋم ناتيجەلەرىن بەكىتۋ ماقساتىندا پرەزيدەنتتىك, پارلامەنتتىك جانە ماسليحاتتىق مانداتتاردى جاڭارتۋ ماڭىزدى ەكەنىن اتاپ ءوتتى. سوندىقتان ساراپشىلار قوعامداستىعى ءۇشىن دە, ساياسي توپتار ءۇشىن دە سايلاۋ بولجامدى قادام بولدى.
سايلاۋ ساياسي پروتسەسس رەتىندە بىرقاتار ماڭىزدى فۋنكتسيانى اتقارادى.
بىرىنشىدەن, سايلاۋ بيلىك ورگاندارىن قالىپتاستىرۋدىڭ دەموكراتيالىق ءتاسىلى رەتىندە ساياسي رەجيم مەن سەنىمدى زاڭداستىرۋدىڭ قۇرالى عانا ەمەس. سونىمەن قاتار ازاماتتاردىڭ ساياسي بەلسەندىلىك تانىتۋىنىڭ, ولاردىڭ سۇرانىستارىن, مۇددەلەرىن, قوعامدىق شوعىرلانۋىن, بيلىكتىڭ ازاماتتارمەن كەرى بايلانىسىن قامتاماسىز ەتۋدىڭ جانە ساياسي مادەنيەتتى قالىپتاستىرۋ مەن دامىتۋدىڭ, ساياسي ومىرگە قاتىسۋ داعدىلارىن يگەرۋدىڭ ماڭىزدى قۇرالى بولىپ تابىلادى.
ەكىنشىدەن, سايلاۋ – ازاماتتاردى تولعاندىراتىن سۇراقتار مەن ماسەلەلەردى شەشۋدىڭ جاڭا ماقساتتارى مەن باعدارلامالارىن ۇسىنۋدىڭ, جالپى الەۋمەتتىك-ەكونوميكالىق, ساياسي باعىتتى تۇزەتۋدىڭ ءتاسىلى. سوندىقتان الداعى سايلاۋ حالىقتى بىرىكتىرۋگە باعىتتالعان. جالپى الەمدىك ترەندتەردى نازارعا الاتىن بولساق, ازاماتتارعا الداعى جولدىڭ باعدارى مەن ناقتى جوسپارلاردى ايقىن ءتۇسىنۋ قاجەت. سايلاۋ كونستيتۋتسيالىق رەفورمالاردىڭ جەتىستىكتەرىن بەكىتىپ قانا قويماي, باسقا سالالارداعى رەفورمالاردى جالعاستىرۋ مەن كۇشەيتۋ ءۇشىن قاجەتتى ۋاقىت پەن سەنىم مانداتىن بەرەدى. ءبىرىنشى كەزەكتە الەۋمەتتىك جانە ەكونوميكالىق سالالاردا.
جالپى سايلاۋ قوعامدىق ومىرگە بەلگىلى ءبىر تسيكلدىك سيپات بەرىپ, ءجۇرىپ وتكەن جولدى قورىتىندىلاپ, بولاشاققا نازار اۋدارۋعا مۇمكىندىك جاسايدى.
الۋا جولدىبالينا,
قازاقستان ستراتەگيالىق زەرتتەۋلەر ينستيتۋتى
ديرەكتورىنىڭ ورىنباسارى
