بيىل 7 مامىر كۇنى ەلوردانىڭ اشىق الاڭدارى مەن ساياباقتارىندا وتان قورعاۋشىلار كۇنىنە وراي كونتسەرتتەر ءوتتى. وندا ەسترادا ارتىستەرى مەن قالانىڭ شىعارماشىلىق ۇجىمدارى ونەر كورسەتتى.
مەرەكەنىڭ نەگىزگى ورنى, ادەتتەگىدەي, «بايتەرەك» مونۋمەنتىنىڭ جانىنداعى الاڭ بولدى. مۇندا «وتانىم – اماناتىم» كونتسەرتتىك باعدارلاماسى ۇيىمداستىرىلدى. كونتسەرتتىڭ نەگىزگى ماقساتى – جاستاردى پاتريوتيزمگە باۋلۋ, بەلسەندى ازاماتتىق ۇستانىمدى ناسيحاتتاۋ, سونداي-اق, وسكەلەڭ ۇرپاقتىڭ بويىندا رۋحاني-ادامگەرشىلىك جانە الەۋمەتتىك قۇندىلىقتاردى تاربيەلەۋ. ساحنادا Qanay, «زامان» توبى, دوس, Ayree, ەركەش حاسەن, عادىلبەك جاناي, يبراگيم ەسكەندىر جانە وزگە دە وتاندىق ەسترادا جۇلدىزدارى ونەر كورسەتتى. شاقىرىلعانداردىڭ قاتارىندا قر ايرىقشا ماقساتتاعى كۇشتەردىڭ مەملەكەتتىك كۇزەت قىزمەتىنىڭ ساربازدارى, قر قارۋلى كۇشتەرى ۇلتتىق اسكەري-پاتريوتتىق ورتالىعىنىڭ جانە ورتالىق اسكەري ۇرلەمەلى وركەستردىڭ وكىلدەرى بولدى.
كونتسەرت ستۋدەنتتىك ساياباقتا دا جالعاستى. مادەني-بۇقارالىق ءىس-شارا ەلوردالىق جاستار ساياساتى ماسەلەلەرى باسقارماسىنىڭ قولداۋىمەن ءوتتى. مۇندا تالانتتى ستۋدەنتتەر ونەر كورسەتىپ, كورەرمەندەرگە ءوز شىعارماشىلىعىن ۇسىندى. سونداي-اق ءتۇرلى ويىندار, كونكۋرستار وتكىزىلدى. مەرەكەلىك كونتسەرتتەر وpen Air حالىقارالىق ەكسپو كورمەسىنىڭ اۋماعىندا دا ءوتتى. ونى ءا.مامبەتوۆ اتىنداعى مەملەكەتتىك دراما جانە كومەديا تەاترى ۇيىمداستىردى.
سونىمەن قاتار ۇركەر ەلدى مەكەنىندە وتان قورعاۋشىلار كۇنىنە ارنالعان كونتسەرت ءوتتى. ءىس-شاراعا ەلوردالىق ۇلتتىق گۆارديا جەدەل بريگاداسى اسكەري وركەسترىنىڭ تۇرعىن الابىندا ورنالاسقان ساربازدارى دا قاتىستى. كونتسەرتتىك باعدارلامادان باسقا, مۇندا دالا اسحاناسى ۇيىمداستىرىلدى, وندا قوناقتارعا اسكەردى ەسكە سالاتىن ارنايى ازىرلەنگەن بوتقا بەرىلدى. وقۋشىلار دا مەرەكەنى ۇيىمداستىرۋعا ءوز ۇلەسىن قوستى.
