ءاليحان جاقسىلىق – نۇر-سۇلتان قالاسى قوشكە كەمەڭگەرۇلى اتىنداعى №49 ورتا مەكتەبىنىڭ 5-سىنىپ وقۋشىسى.

ماتەماتيكا پانىندە ول ەرەكشە  بەلسەندى, ەرەكشە  ۇعىمتال, ءارى سىنشىل بولىپ كەتەدى. لوگيكالىق تاپسىرمالاردى ورىنداۋدا الدىنا جان سالمايدى. دايىنداپ اكەلگەن ءار تاپسىرمانى ءارتۇرلى تاسىلمەن ورىنداۋعا بولاتىنىن ءوزى ايتىپ بەرەتىن. وسى قابىلەتىن بايقاي وتىرىپ ءاليحاندى جىل سايىن 2-سىنىپتان باستاپ جۇماگۇل مەرەكەقىزى ماتەماتيكالىق سايىستارعا قاتىستىرىپ وتىردى. بيىلعى وقۋ جىلىندا «التىن ساقا» وليمپياداسىنا, «باستاۋ» تۋرنيرىنە قاتىستى. «باستاۋ» تۋرنيرىنەن ماقتاۋ قاعازىنا يە بولسا,  بىلتىرعى وقۋ جىلىندا «باستاۋ» تۋرنيرىنەن ءى ورىندى يەلەندى.

4-سىنىپتار اراسىندا بولاتىن پاندىك وليمپيادانىڭ ماتەماتيكا ءپانى بويىنشا ءىى ورىندى يەلەنىپ كەلدى. سونداي-اق قازاقستان رەسپۋبليكاسى  پرەزيدەنتى قاسىم-جومارت كەمەلۇلى توقاەۆتىڭ 2022 جىلدى «بالالار جىلى» دەپ اتاۋىنا وراي وقۋشىلاردىڭ وقۋ-بىلىمگە دەگەن قىزىعۋشىلىعىن ارتتىرۋ جانە دارىندى وقۋشىلاردىڭ اراسىندا بايلانىس ورناتۋ ماقساتىندا وتكىزىلگەن «باستاۋىش ءبىلىم بۇلاعى» اتتى رەسپۋبليكالىق بايقاۋعا قاتىسىپ, ءى دارەجەلى ديپلوممەن, ءتوس بەلگىمەن ماراپاتتالدى. «باستاۋىش ءبىلىم بۇلاعى» رەسپۋبليكالىق بايقاۋىنىڭ ماتەريالدار جيناعىنا جازعان ەڭبەگى ەندى.

«بۇلاق كورسەڭ, كوزىن اش» دەپ بەكەر ايتىلماعان ەكەن عوي. دارىندى بالالاردى انىقتاپ, ولاردىڭ قابىلەتى  مەن مۇمكىندىكتەرىن باقىلاپ, ءارى قاراي  جاقسى باعىتتاۋ – ءار ۇستازدىڭ مىندەتى. «مۇعالىمنىڭ بۇكىل ماقتانىشى شاكىرتتەرىندە, ءوزى شاشقان ۇرپاقتارىنىڭ ءوسىپ-ونۋىندە» دەيدى د.ي. مەندەلەەۆ. مەكتەپ ۇستازدارى شاكىرتىنىڭ ءاربىر ناتيجەسىنە قۋانىپ, جەتىستىگىن ماقتان ەتۋگە جالىقپايدى. سونداي وقۋشىنىڭ ءبىرى – ءاليحان جاقسىلىق جاسۇلانۇلى.

ءاليحان – ۇيدە ءۇش اعايىندى بالانىڭ ءبىرى. وزىنەن ۇلكەن اعاسى الياسقاردىڭ تىنىسى, كىشى ءىنىسى رامازاننىڭ قامقورشىسى بولىپ ءجۇر.

ءاليحان ۇستاز تۋرالى جازعان ەسسەسىندە: «مەكتەپتەگى باسقا مۇعالىمدەر   اپايىممەن كەلىپ اقىلداسىپ, ساباقتارى بويىنشا ءجون سۇراپ جاتقاندارىن ءجيى بايقايمىن. سوندا مەن ىشىمنەن وسىنداي ادامنان ءبىلىم الىپ جاتقانىما قۋانىپ, تەبىرەنىپ قويامىن. كەۋدەمدى ماقتانىش سەزىمى بيلەپ كەتەدى» دەپ جازعان ەكەن. بۇل ونىڭ باستاۋىش سىنىپ جەتەكشىسى نۇرلىبەكوۆا جۇماگۇل مەرەكەقىزى تۋرالى جازعانى ەدى. بيىل ول باستاۋىشتان ورتا بۋىنعا اۋىستى, جاقىپ اياۋلىم ەرەمەكقىزى جەتەكشىلىك ەتەتىن 5 «ا» سىنىبىندا وقيدى. ءاليحاننىڭ  ءارى قاراي ماتەماتيكادان ءبىلىمىن شىڭداۋ – ءپان مۇعالىمى  قالامباي نۇربولات المابەكۇلىنىڭ جاۋاپكەرشىلىگىندە. بالانىڭ ىستىق ىقىلاسىنا بولەنۋ ءار ۇستازدىڭ ميسسياسى ەكەنىن ۇمىتپاۋىمىز كەرەك.

جەتىستىكتەرى: 2020 جىلى قالالىق «باستاۋ» ماتەماتيكالىق تۋرنيرىنەن  ءى ورىن, رەسپۋبليكالىق قاشىقتىق وليمپيادادان ماتەماتيكا پانىنەن ءى دارەجەلى ديپلوم,  2022 جىلى  قالالىق «باستاۋ» ماتەماتيكالىق تۋرنيرىنەن   ماقتاۋ قاعازى, 4-سىنىپتار اراسىنداعى  قالالىق پاندىك وليمپيادادان  ءىى ورىن, «ءبىلىم بۇلاعى باستاۋىشتان» رەسپۋبليكالىق سايىسىنان ءى ورىندى يەلەنگەن.

ءاليحان ءار ءسوزدى مۇقيات تىڭداپ, ءار تاپسىرمانى ۇقىپتىلىقپەن  ورىندايدى, وعان قوسا ەلگەزەكتىگى, ويىن اشىق ايتۋى – ءاليحاننىڭ ەرەكشە  قاسيەتتەرى. سىنىپتاعى وقۋشىلارمەن تەز ءتىل تابىسىپ, ارقاشان ادالدىق پەن شىنشىلدىققا جاقىندىعى ونىڭ سىنىپ ىشىندە تەك بەدەلىن ارتتىرا ءتۇستى. سونىمەن قاتار ونىڭ وقۋىنىڭ ۇزدىك ۇلگەرىمىمەن قوسا ماتەماتيكا پانىنە جاقىندىعىن, لوگيكالىق ويىنىڭ زەرەكتىگىن بايقاماۋ مۇمكىن ەمەس ەدى.

گۇلشات ساپارقىزى