قازاقستاندا حالىق سانى 2023 جىلعى 1 شىلدەدەگى دەرەك بويىنشا 19 899 377 ادامعا جەتتى. بۇل دەرەكتى ۇلتتىق ستاتيستيكا بيۋروسى جاريالادى.
قازاقستاندىقتاردىڭ سانى سوڭعى ءبىر ايدا 20 مىڭنان اسا ادامعا وسكەن. 2023 جىلعى 1 ماۋسىمداعى دەرەك بويىنشا قازاقستانداعى حالىق سانى 19 879 003 ادام بولعان.
ەلىمىزدە قالا تۇرعىنى 12 317 671 ادامعا, اۋىل تۇرعىنى 7 581 706 ادامعا جەتتى. تۇرعىندار سانى بويىنشا الماتى قالاسى ءبىرىنشى ورىندا, بۇل مەگاپوليستە رەسمي تىركەلگەن
2,1 ملن ادام تۇرادى. ەكىنشى ورىندا 2,1 ملن تۇرعىنى بار تۇركىستان وبلىسى تۇر. حالىق سانى جونىنەن العاشقى ۇشتىكتى 1,5 ملن تۇرعىنىمەن الماتى وبلىسى تۇيىندەدى. ءتورتىنشى كورسەتكىش استاناعا تيەسىلى. ەلوردادا 1 383 291 ادام, ال شىمكەنتتە
1 205 889 قازاقستاندىق تۇرادى.
