ءۇندىستان مەن قازاقستان رەسپۋبليكاسى اراسىنداعى قاۋىپسىزدىك ماسەلەلەرى جونىندەگى 4-ءشى ديالوگ 2023 جىلعى 3 تامىزدا استانادا ءۇندىستان-قازاقستان ءتورتىنشى قاۋىپسىزدىك ديالوگى ءوتتى. ءۇندىستاننان كەلگەن دەلەگاتسيانى جوعارى مارتەبەلى ۆيكرام ميسري مىرزا, ءۇندىستاننىڭ ۇلتتىق قاۋىپسىزدىك جونىندەگى كەڭەسشىسىنىڭ ورىنباسارى باسقاردى. ءۇندىستان دەلەگاتسياسى قازاقستان رەسپۋبليكاسى قاۋىپسىزدىك كەڭەسى حاتشىسىنىڭ ورىنباسارى نۇرجان قادجياقباروۆ باسقارعان قازاقستاندىق دەلەگاتسيامەن ناتيجەلى تالقىلاۋلار وتكىزدى.
قاۋىپسىزدىك ديالوگى شەڭبەرىندەگى تالقىلاۋلار ەكى ەلدىڭ, سونىڭ ىشىندە اۋعانستانداعى جاعدايدى قوسا العاندا, ءوزارا قىزىعۋشىلىق تۋدىراتىن ەكىجاقتى, ايماقتىق جانە حالىقارالىق ماسەلەلەرگە, قاۋىپتەر مەن قيىندىقتارعا باعىتتالعان. ەكى تاراپ تا وسى ماسەلەلەر بويىنشا كوزقاراستاردىڭ ۇقساستىعىن قۇپتايدى جانە تەرروريزمگە قارسى كۇرەس, راديكالداندىرۋ, ەسىرتكىنى باقىلاۋ جانە قورعانىس سالاسىنداعى ىنتىماقتاستىقتى قوسا العاندا, ءتيىستى ۇيىمدار اراسىنداعى قاۋىپسىزدىك سالاسىنداعى ەكىجاقتى ىنتىماقتاستىقتى كەڭەيتۋ ءۇشىن كەلەسى قادامدار تۋرالى كەلىستى.
ساپار بارىسىندا ميسري مىرزا قازاقستان رەسپۋبليكاسى پرەزيدەنتىنىڭ كومەكشىسى – قاۋىپسىزدىك كەڭەسىنىڭ حاتشىسى عيزات نۇرداۋلەتوۆپەن كەزدەسىپ, قازاقستان رەسپۋبليكاسى سىرتقى ىستەر ءمينيسترىنىڭ ورىنباسارى قانات تۇمىش مىرزامەن كەلىسسوزدەر جۇرگىزدى. ءۇندىستان دەلەگاتسياسى ەكى ەل اراسىنداعى ەكىجاقتى ستراتەگيالىق قاتىناستاردى ەسكەرە وتىرىپ, ءارتۇرلى قىزىعۋشىلىق تۋدىراتىن نىسانداردى ارالادى.
