استانا قالاسىنداعى «ASTANA POLYTECHNIC» جوعارى كوللەدجىنە بيىل 30 تولىپ وتىر. بۇل تاريحىن وتكەن عاسىردىڭ 90-جىلدارىنان باستايتىن ىرگەلى دە بەدەلدى وقۋ ورداسى ءۇشىن مەرەيلى مەجە, ايتۋلى داتا. «تاريح – وتكەن كۇننىڭ كۋاسى, بۇگىنگىنىڭ ۇلگىسى مەن ونەگەسى, بولاشاقتىڭ اسىل قازىناسى» دەگەن ناقىل ءسوز بەكەر ايتىلماسا كەرەك. وردالى وتىز جىلداعى تىرلىگى ءتۇزۋ, بىرلىگى بەكەم ۇجىمىمىزدىڭ بۇگىنگى تاڭداعى جوعارى جەتىستىكتەرى وسى جىلداردا جاس ۇرپاقتى ءبىلىم نارىمەن سۋسىنداتىپ, ءبىلىمدى, بىلىكتى, باسەكەگە قابىلەتتى ماماندار دايارلاۋدا ايانباي تەر توككەن ۇلاعاتتى ۇستازدارىمىز بەن ىسىنە ادال قىزمەتكەرلەرىمىزدىڭ ەرەن ەڭبەگىنىڭ جەمىسى دەپ بىلەمىز.
كوش باسىنداعى كوللەدج
1994 جىلى ءتورت تەحنيكۋمنىڭ نەگىزىندە قۇرىلعان كوللەدجدىڭ تاريحى تسەلينوگرادتان باستاۋ الادى. وتىز جىلدا كوللەدج تاۋەلسىز قازاقستاننىڭ دامۋىنا زور ۇلەس قوسىپ, بۇگىنگى كۇنى ءارتۇرلى سالادا قوعام يگىلىگى ءۇشىن قىزمەت ەتىپ جۇرگەن كوپتەگەن كاسىبي كادرلاردى دايىنداپ شىعارعان ۇلكەن ۇستاحاناعا اينالدى. ءبىزدىڭ بىلىكتى كادرلارىمىز استانادا عانا ەمەس, ەلىمىزدىڭ باسقا وڭىرلەرىندە دە تابىستى ەڭبەك ەتىپ, وقۋ ورنىنىڭ ابىروي-بەدەلىن ءوسىرىپ ءجۇر. كاسىپتىك-تەحنيكالىق ءبىلىم بەرۋ جۇيەسىندە برەندكە اينالعان, زامان تالابىنا ساي مىقتى ماماندار دايىندايتىن «ASTANA POLYTECHNIC» جوعارى كوللەدجى باس قالاداعى تەحنيكالىق جانە كاسىپتىك ءبىلىم بەرەتىن وقۋ ورىندارى اراسىندا كوشباسشىلىق دەڭگەيىن ساقتاپ كەلەدى. برەندكە اينالعانىمىزدى دالەلدەيتىن دەرەك كەلتىرسەك, قابىلداۋ كوميسسياسىنىڭ دەرەكتەرىنە سايكەس 2022 جىلى تالاپكەرلەردەن 1311 ءوتىنىش ءتۇسىپ, 543-ءىن بيۋدجەتتىك, 78-ءىن اقىلى نەگىزدە ستۋدەنتتەر قاتارىنا قابىلداندى. ال 2023 جىلى تالاپكەرلەردەن 2517 ءوتىنىش ءتۇسىپ, سونىڭ 552-ءىن بيۋدجەتتىك, 59 ستۋدەنت اقىلى نەگىزدە وقۋعا ءتۇستى. كورىپ وتىرعانىمىزداي, جىلدان جىلعا كوللەدجدە دايىندايتىن ماماندىقتارعا سۇرانىس ارتىپ كەلەدى.
كوللەدج وتىز جىلدىق تاريحىندا تالاي قيىن كەزەڭدەردىڭ, الەۋمەتتىك-ەكونوميكالىق وزگەرىستەردىڭ كۋاسى بولدى. وسى ۋاقىت ىشىندە دامۋ جولىندا كوپ ىزگى قادام جاسادى, تاجىريبە جيناقتادى, ناقتى جەتىستىكتەرگە قول جەتكىزدى. ءبىز ءۇشىن 30 جىل – جالىنداعان جاستىق, ۇكىلەگەن ءۇمىت جانە ۇزدىكسىز ورلەۋدىڭ كەزەڭى. ويتكەنى وسى جىلداردا ءبىز ءبىلىم بەرگەن تۇلەكتەر الەمنىڭ ءار قيىرىنا اتتاندى. ءبىر قۋاناتىنىمىز, ءبىزدىڭ تۇلەكتەرىمىز كوللەدجبەن اراداعى قارىم-قاتىناسىن ۇزبەيدى. ماسەلەن, كوپتەگەن تۇلەكتەر alma mater-ىنە كەلىپ, ۇستازدارىمەن جۇزدەسەدى, ومىردەگى قۋانىشتارىمەن جانە تابىستارىمەن بولىسەدى. قيىندىققا تاپ بولسا, ودان شىعۋدىڭ جولدارىن اقىلداسادى. ياعني, تۇلەكتەرىمىز كوللەدجگە تەك ءبىلىمى مەن ديپلومداعى جاقسى باعا ءۇشىن عانا ەمەس, وقۋ ورنىنىڭ قابىرعاسىندا ساناسىنا ءسىڭىرىپ, ومىرلىك ۇستانىمى ەتكەن جاڭا بەلەستەردى باعىندىرۋعا دەگەن سەنىمىن قالىپتاستىرعانى ءۇشىن العىس ايتادى. ءبىز دە وسىنداي ءوزارا سەنىمدى, ىزگى قارىم-قاتىناستى ەرەكشە باعالايمىز. تۇلەكتەرىمىزدىڭ ءومىرى – ءبىزدىڭ نازارىمىزدان تىس قالماعان, ولاردىڭ كوپشىلىگى تابىستى مانساپ قۇرعانىنا وتە قۋانتارلىق جاعداي. ءبىز ءوز تۇلەكتەرىمىزدى ماقتان تۇتامىز ولجاس قۇسپەكوۆ – قازاقستان رەسپۋبليكاسى پارلامەنتى ءماجىلىسىنىڭ دەپۋتاتى, عاني دۇيسەنبەكوۆ – KG Chem Kazakhstan ديرەكتورى, بەكزات جايداروۆ – «Art Studio Bonnie and Clyde» ينتەرەر ديزاينى ستۋدياسىنىڭ جانە «Start Education» ديزاين مەكتەبىنىڭ نەگىزىن قالاۋشى جانە كوممەرتسيالىق ديرەكتورى, سەرگەي باسكاكوۆ – «استاناترانسستروي» سك جشس ديرەكتورى, نۇرلان دۇيسەنباەۆ – «ارۋ-جول» جشس ديرەكتورى; ناريمان نۇرالين – NAIRA Group كومپانياسىنىڭ باس ديرەكتورى, الەكسەي انيسيموۆ – «KazCloud» جشس ءونىمدى ازىرلەۋ جونىندەگى ديرەكتورى.
ءبىزدىڭ ستراتەگيامىز – زاماناۋي سۇرانىسقا يە مامان
قازىرگى تاڭدا كوللەدج تەحنيكالىق سالاسىنا ەڭ قاجەتتى 11 ماماندىق (تەحنيك-قۇرىلىسشى, تەحنيك-ديزاينەر, سۋپەرۆايزەر, تۋريزم مەنەدجەرى, گاز نىساندارى قۇرال-جابدىقتارىن پايدالانۋشى تەحنيگى, تەحنيك-مەحانيك, اقپاراتتىق قاۋىپسىزدىك تەحنيگى, باعدارلامالىق قامتاماسىز ەتۋدى قۇراستىرۋشى, اقپاراتتىق جۇيەلەر تەحنيگى, تەحنيك-مەحاترونيك, تەلەكوممۋنيكاتسيالىق بايلانىس جۇيەلەرىنىڭ تەحنيگى, بۋحگالتەر) بويىنشا كادرلار دايىندايدى. الەمدە جاڭا تەحنولوگيالاردىڭ پايدا بولۋى مەن دامۋىنا وراي مامان دايارلاۋعا قويىلاتىن تالاپتار بىرتىندەپ وزگەرۋدە. وسىعان سايكەس, كوللەدج ساپالى ءبىلىم الۋعا بارلىق جاعىنان جاعداي جاساۋ نارىقتا سۇرانىسقا يە ماماندىقتارعا وقىتۋ – تۇلەكتەردىڭ جۇمىسقا ورنالاسۋ كەپىلدىگىن قامتاماسىز ەتۋ دەگەن ستراتەگياسىن ايقىنداپ الدى.
ساپالى ءبىلىم بەرۋدىڭ نەگىزىن كوللەدجدىڭ جاڭارتىلعان وقۋ-زەرتحانالىق كەشەنى, سونداي-اق شىعارماشىلىق وزگەرىستەر مەن جاڭاشىل يدەيالاردان قورىقپايتىن ۇجىم قۇرايدى. وقۋ ورداسىنىڭ بۇگىنگى ترەندى – سۇرانىسقا يە داعدىلار مەن كاسىبي قۇزىرەتتىلىكتەر بويىنشا كادر دايارلاۋ بولىپ تابىلادى. ەڭبەك نارىعىنىڭ وزگەرۋىنە جانە تسيفرلىق تەحنولوگيالاردىڭ ومىرىمىزگە دەندەپ ەنۋىنە وراي وسىنداي ترەندتى تاڭدالدى.
جۇمىس باعدارلامالارىنىڭ مازمۇنى جاڭاردى, وقىتۋشىلاردى جاڭا تەحنولوگيالارعا وقىتا باستادىق, كوللەدجدىڭ جانىنان زاماناۋي زەرتحانا اشىپ, رەسۋرستىق-وقۋ ورتالىقتارىن قۇرۋ ماقساتىمەن الەمدىك برەندتەردى تارتتىق, وقۋ ۇدەرىسىن جەتەكشى تەحنولوگيالارمەن ۇندەستىرىپ, ماتەريالدىق-تەحنيكالىق بازامىزدى نىعايتتىق. مۇنداي جاڭاشىل قادامداردان نە ۇتتىق؟ بىرىنشىدەن, تۇلەكتەر ديپلومنان باسقا زاماناۋي جابدىقتارمەن جۇمىس ىستەي الاتىنىن راستايتىن ارنايى سەرتيفيكاتتارعا يە بولادى. ستۋدەنتتەر وقۋىن بىتىرگەن سوڭ WS ستاندارتى بويىنشا دەمونستراتسيالىق ەمتيحان تاپسىرىپ, «skills تولقۇجاتىن» الادى. سونىڭ ناتيجەسىندە بەلگىلى ءبىر داعدىلارى مەن قۇزىرەتتىلىكتەرى بار تۇلەكتەر توبى جاساقتالادى, بۇل توپ بىلىكتى مامان ىزدەگەن جۇمىس بەرۋشىلەردىڭ نازارىنا بىردەن ىلىگەدى.
وقۋ ۇدەرىسىندەگى وزىق يننوۆاتسيالار
كوللەدجدەگى وقۋ ۇدەرىسىن تاجىريبەلى 90 پەداگوگ جۇزەگە اسىرادى, سونىڭ ىشىندە 8-ءى – وندىرىستىك وقىتۋ شەبەرى, 20-سى – ماگيستر, 1-ەۋى – پەداگوگيكا عىلىمدارىنىڭ كانديداتى, قاۋىمداستىرىلعان پروفەسسور. اتاپ ايتارلىعى, ءبىزدىڭ پەداگوگتەر وقۋ ۇدەرىسىنە ۇنەمى يننوۆاتسيالاردى ەنگىزىپ وتىرادى. ەندى وسى يننوۆاتسيالارعا تولىعىراق توقتالايىق. مىسالى, و.پەشكين, س.لاپەنكو, ت.مۋحتاروۆا وندىرىستىك وقىتۋ اياسىندا تەحنيك-باعدارلاماشىلارعا «Arduino» بازاسىندا ميكروكونتروللەردى باعدارلامالاۋ» كۋرسى ەنگىزىلگەن, ستۋدەنتتەر Yii2 شەڭبەرىن پايدالانىپ, ۆەب-قوسىمشالار ازىرلەيدى. ە.تۋسۋپوۆ, ج.ابراحمانوۆا, س.مۋحاممەديا ارنايى پاندەر ساباعىندا Git نۇسقالارىن باقىلاۋ جۇيەسى, كەيس تەحنولوگيالار, وقىتۋدىڭ ترەنينگتىك نىساندارى, اكت تەحنولوگيالارى, ينتەللەكت-كارتالار جانە ت.ب. قولدانىلادى. سونداي-اق Java باعدارلامالاۋدىڭ بۇلتتى تەحنولوگيالارى, Amazon, Microsoft Azure, Cisco سەرتيفيكاتسياسى جۇرگىزىلەدى. تۇلەكتەر Smart-تەحنولوگيالار تۇجىرىمداماسى بويىنشا «BMC IO FRAMEWORK» ArtaSoft پلاتفورمالارىندا اقپاراتتىق جۇيەلەردىڭ ناقتى ديپلومدىق جوبالارىن ورىندايدى. مۇندا عىلىم مەن ءوندىرىستىڭ اراسىندا تىعىز ينتەگراتسيا جۇرەدى.
ا.شوشاباي, د.جانمۋرزينا, م.گابدۋللا, ج.نۋركەەۆ, و.ۆيشنەۆسكايا, گ.ناۋرىزوۆا تەحنيك-قۇرىلىسشىلاردى دايارلاۋ دەڭگەيى 3D كومپاسى, ArchiCAD, AutoCAD, CorelDraw, 3D-MAX, مونوماح اۆتوماتتاندىرىلعان جوبالاۋ جانە مودەلدەۋ جۇيەسىن ۇيرەتەدى. 2018 جىلدان باستاپ وقۋ ۇدەرىسىنە پەداگوگ س.جاكيانوۆ AutoDeskRevit, Renga Architecture باعدارلامالارىندا جۇمىس جاساۋدى ۇيرەتەدى. قۇرىلىس جانە اقپارات سالاسىنداعى 3D مودەلدەۋدى BuildingInformationModel عيماراتتاردى اقپاراتتىق مودەلدەۋ تەحنولوگيالىق پلاتفورماسى – BIM جۇزەگە اسىرادى. قازىر جاڭا ماماندار – BIM-جوبالاۋشىلار دايارلانادى. SMART جانە BIM تەحنولوگيالارىن مەڭگەرۋ داعدىلارى بويىنشا ادەتتەگى جوبالاۋ تەحنولوگيالارى وزگەرۋدە. «Smart Astana», «اقىلدى ءۇي» جوبالارى بويىنشا تۇراقتى سەرىكتەستەرمەن ىنتىماقتاستىق قارىم-قاتىناس كەڭەيىپ كەلەدى.
قۇرىلىسشىلار وقۋ تاجىريبەسىندە جەتەكشى ءونىم وندىرۋشىلەردىڭ ارلەۋ قۇرىلىس ماتەريالدارىندا (كناۋف) داعدىلار مەن قۇزىرەتتىلىكتەردى وندىرىستىك وقىتۋ شەبەرلەرى ي.ۆوروبەۆ, ن.بايبۋسينوۆ وقىتادى, ستۋدەنتتەر قۇرعاق قۇرىلىس تەحنولوگيالارىن مەڭگەرەدى, يكەمدى تاقتايشالارمەن جانە وقشاۋلاعىش ماتەريالدارمەن (تەحنونيكول) جانە اقىلدى سانتەحنيكامەن (Grohe) جۇمىس ىستەپ ۇيرەنەدى. قورىتىندى اتتەستاتتاۋ – ديپلومدىق جۇمىس ءداستۇرلى تۇردە دە, وندىرىستىك ءۇي-جايلاردى, وقۋ ءدارىسحانالارى مەن جاتاقحانالاردى قايتا سالۋ بويىنشا دا ناقتى ديپلومدىق جوبالاۋ تۇرىندە دە جۇرگىزىلەدى. كوللەدجدەگى 60-تان اسا ءدارىسحانا قايتا جاڭارتىلدى. وقۋ تاجىريبەسى اياسىندا ناقتى ديزاين-جوبالار مەن قولدانىستاعى ماكەتتەر (community center, student hab, ەلەكتروكار, ەسكەرتۋ جانە دابىل قاعۋ جۇيەسى جانە ت.ب.) جاسالادى.
تاجىريبەلىك دارىستەر –بىلىكتىلىككە اپاراتىن جول
بۇگىنگى تاڭدا كوللەدج ەكولوگيالىق جانە ەنەرگيا ۇنەمدەيتىن جابدىقتار – ەلەكتروموبيلدەرگە قىزمەت كورسەتەتىن مامانداردى, سونداي-اق گاز جابدىقتارىن مونتاجداۋ جانە ولارعا قىزمەت كورسەتەتىن مامانداردى دايارلايدى. بۇل باعىتتا قازىرگى زامانعى EXTLAB ەلەكترونيكا جانە ەلەكتروموبيل زەرتحانالارى, Bocsh Thermotchik وقۋ ورتالىعى اشىلدى, بۇل جەردە «بولاشاقتىڭ ماماندىقتارى» بويىنشا كادر دايارلاۋعا مۇمكىندىك پايدا بولىپ وتىر.
سونىمەن قاتار, ب.الكەنوۆ, ە.چينگاەۆا, گ.ابەنوۆا تاجىريبەلىك ساباقتاردا اۆتوموبيلدەردى باسقارۋدىڭ ەلەكتروندىق جۇيەسىنىڭ (ەلەكتروموبيل, carmanscan, AutoBosh, B-touch) زاماناۋي دياگنوستيكالىق جابدىقتارى, COM3LAB وقىتۋ جۇيەسى قولدانالادى. بۇل ساباقتار بويىنشا وقۋ تاجىريبەسى Bosch, Sivik, Carmanscan كاسىبي جابدىقتارىندا وتكىزىلەدى. سونداي-اق «مەرسەدەس», «اۋدي» قوزعالتقىشتارىندا, گيبريدتىك قوزعالتقىشتاردا اۆتوكولىكتىڭ دوڭعالاعىن مونتاجداۋ, تەڭگەرىمىن قالپىنا كەلتىرۋ, كولىكتىڭ مايىن اۋىستىرۋ سياقتى جۇمىستاردى Bosch-تىڭ قۇرال-جابدىقتارىمەن اتقارىپ, شەبەرلىككە ۇيرەنەدى. ستۋدەنتتەر وقۋ-تاجىريبە ۇيرەنۋ كەزەڭىندە استاناداعى «№1 اۆتوبۋس پاركى» اق, «Hyundai Premium Astana» جشس, «Allur Auto» جشس, «AutoLand اۆتوسەرۆيستەر جەلىسى» جشس, «اتب سەرۆيس ترانس» جشس جانە ت.ب. سەرىكتەستەرمەن بىرلەسىپ, «تەحنيك-مەحانيك» ورتا بۋىن مامانىنىڭ جۇمىس بىلىكتىلىگىن (كولىك جوندەيتىن شەبەر جانە ەلەكتريك) مەڭگەرەدى.
وندىرىسكە جاقىن تەلەكوممۋنيكاتسيا جانە بايلانىس جونىندەگى زەرتحانادا بولاشاق ەلەكتر مونتاجداۋشى-باپتاۋشى جانە تەلەكوممۋنيكاتسيالىق بايلانىس جۇيەلەرىنىڭ تەحنيكتەرىن وندىرىستىك وقىتۋ شەبەرلەرى ۆ.وسينسكايا, س.جانتاەۆ, س.ادىلبەك تەلەكوممۋنيكاتسيالىق جەلىلەر سالاسىندا اتس-تان ابونەنتكە دەيىنگى بايلانىس جەلىسىن مونتاجداۋدىڭ بۇكىل تەحنولوگيالىق تسيكلىن بارلىق دەڭگەيلەرىن ۇيرەتەدى. كوللەدج باسشىلىعى IT قۇزىرەتتىلىك ورتالىعىن, مەحاترونيكا بويىنشا وڭىرلىك ورتالىقتى, اۆتوماتتاندىرىلعان وندىرىستىك پروتسەستەر بويىنشا رەسۋرستىق جانە وقۋ ورتالىعىن – «كناۋف», «تەحنونيكول», «BoschThermotechnik», «ALINA» جانە «GROHE» سياقتى الەۋمەتتىك سەرىكتەستەرمەن بىرلەسىپ دامىتۋ جولدارىن بەلسەندى جۇرگىزەمىز.
جوعارىدا اتالعان زەرتحانالار مەن وقۋ ورتالىقتارى WorldSkills حالىقارالىق ستاندارتتارىنىڭ تالاپتارىنا سايكەس, كاسىبي جولمەن 21 قۇزىرەتتىلىكتى دايارلاۋ, سونداي-اق يننوۆاتسيالىق تەحنولوگيالار سالاسىنداعى وقىتۋشىلار, وندىرىستىك وقىتۋ شەبەرلەرى ءۇشىن بىلىكتىلىك ارتتىرۋ كۋرستارىن وتكىزەتىن جاتتىقتىرۋ الاڭىنا اينالدى. كوللەدجدە 4 حالىقارالىق WorldSkills جاتتىقتىرۋشىسى قىزمەت اتقارۋدا: ە.قاسىموۆ, س.لاپەنكو, س.كەريموۆ, د.راحيمجانوۆا. بۇل زور جەتىستىك دەپ بىلەمىز.
الەۋمەتتىك سەرىكتەستىك – جۇمىسپەن قامتۋدىڭ ەڭ ءتيىمدى جولى
قازىرگى تاڭدا كوللەدجدىڭ الەۋمەتتىك سەرىكتەستەرىنىڭ سانى 200-دەن اسادى. بۇل سانمەن شەكتەلىپ قالمايمىز. ءار اي سايىن ءتۇرلى كاسىپورىندارمەن مەموراندۋم جاسايمىز. ءبىز تىعىز قارىم-قاتىناس ورناتقان كاسىپورىنداردىڭ قاتارىندا «قازاقتەلەكوم» اق, «Freedom تەلەكوم», «KAZTELESISTEM», «BITELECOM», «IMBC» حالىقارالىق ماشينا جاساۋ ورتالىعى, «استانا» ەەا, «استانا-ينۆەست», «AUTOLAND», «Hyundai Premium Astana», «ASTER AUTO», «ASTEK AVTO», «ارمانتۋر», «تسەنترتۋر», «التىنگازسەرۆيس», «Bazis Construction», «Bi Group», «استانا ينستالكوم», «تسەنتر اۋديت», «Astana technoinvest» جانە ت.ب. بار. كوللەدجدىڭ كاسىپورىندارمەن تىعىز بايلانىس ورناتۋى – تۇلەكتەرىمىزدىڭ ەڭبەك نارىعىنداعى باسەكەگە قابىلەتتىلىگىن ارتتىرۋدىڭ ءتيىمدى تەتىگى. بۇل باعىتتا دۋالدى ءبىلىم بەرۋ تاجىريبەسى ەنگىزىلگەن, سونىڭ ىشىندە كاسىپورىنداردىڭ ءوتىنىشى بويىنشا نىسانالى ماماندار دايىندايمىز, وقىتۋشىلارىمىز بەن وندىرىستىك وقىتۋ شەبەرلەرى دە تاعىلىمدامادان وتەدى. بۇل جەردەگى باستى ماسەلە – تۇلەكتەردىڭ جۇمىسقا ورنالاسۋى وڭ شەشىلەدى. وسى جۇمىستاردىڭ ناتيجەسىندە ءبىزدىڭ ماماندارعا دەگەن ەڭبەك نارىعىنداعى سۇرانىس ۇلعايۋدا.
جەڭىمپازدار ورداسى
ءبىزدىڭ تەحنيكالىق جانە كاسىبي ءبىلىم بەرۋ سالاسىنداعى كوشباسشىلىق دەڭگەيىمىزدى جەڭىمپاز تۇلەكتەرىمىز ۇنەمى دالەلدەپ كەلەدى. ماسەلەن, 2022 جىلى WorldSkills ەلوردالىق كاسىبي شەبەرلىك چەمپيوناتىندا 12 التىن, 4 كۇمىس, 4 قولا مەدالدى يەلەندىك. سول جىلى «World Skills» ەۋرازيالىق چەمپيوناتىندا «كاسىپكەرلىك» قۇزىرەتى بويىنشا قولا جۇلدەنى جەڭىپ الدىق. «World Skills Kazakhstan-2022» VII رەسپۋبليكالىق كاسىبي شەبەرلىك چەمپيوناتىندا 3 التىن مەدال مەن 2 مەدالون الدىق. كوللەدج سەرىكتەسى «1س-قازاقستان» وقۋ ورتالىعىنىڭ قولداۋىمەن «بيزنەسكە ارنالعان باعدارلامالىق شەشىمدەر» قۇزىرەتى بويىنشا سانكت-پەتەربۋرگ قالاسىندا وتكەن «كاسىپقويلار» چەمپيوناتىندا ەكىنشى ورىن قاپاروۆ دارحان يەلەندى. 2023 جىلى WorldSkills Astana قالالىق كاسىبي شەبەرلىك بايقاۋىندا 21 التىن, 9 كۇمىس, 4 قولا مەدالدى ولجالادىق. «World Skills Kazakhstan-2023» VIII رەسپۋبليكالىق كاسىبي شەبەرلىك بايقاۋىندا 1 التىن كولوباەۆ يارومير, 1 كۇمىس لاپەنكو دانيل, 1 قولا ۋلدانوۆ مانسۋر جانە 3 مەدالونعا دەحنيچ ەليزاۆەتا, ۆاسيلەنكو نيكيتا, سابىروۆ يلياس ۇزدىك ناتيجەلەرىمەن جەڭىسكە جەتتى. بۇل كورسەتكىشتەر كوللەدجدە ءبىلىم مەن وزىق تاجىريبە قاتار جۇرەتىنىن, مامان دايارلاۋدا تەز وزگەرەتىن نارىققا بەيىمدەلە الاتىن ۇزدىك وقۋ ورداسىنىڭ الداعى ۋاقىتتا بۇدان دا بيىك بەلەستەردى باعىندىراتىنىن كورسەتەدى.
بولات رىسقاليەۆ,
«ASTANA POLYTECHNIC»
جوعارى كوللەدجىنىڭ
ديرەكتورى
