استاناداعى دوستىق ءۇيى عيماراتىندا «ەنەرگيانى ۇنەمدەۋ ءۇشىن «جاسىل» تەحنولوگيالاردى ەنگىزۋ» تاقىرىبىندا دوڭگەلەك ۇستەل وتىرىسى ءوتتى. وندا تۇرعىن ءۇي-كوممۋنالدىق شارۋاشىلىقتى, ونىڭ ىشىندە قالانىڭ كوپقاباتتى جانە كوممۋنالدىق عيماراتتارىن جاڭعىرتۋ ماسەلەلەرى تالقىلاندى.
مدىگىنىڭ, قالا ءماسليحاتىنىڭ, قازاقستان رەسپۋبليكاسى پارلامەنتىنىڭ, قر ونەركاسىپ جانە قۇرىلىس, ەنەرگەتيكا مينيسترلىكتەرىنىڭ, سونداي-اق ساراپتامالىق قوعامداستىقتىڭ, حالىقارالىق ۇيىمدار مەن دامۋ ينستيتۋتتارىنىڭ وكىلدەرى قاتىستى.
«جاسىل بايتاق» پارتياسى استانا قالالىق فيليالىنىڭ باسشىسى, «ۋربانيستيكاداعى زاماناۋي تاسىلدەر جانە تكش-داعى جاسىل تاسىلدەر تۋرالى» «Eurasian Expert Council» قوعامدىق قورىنىڭ توراعاسى شىڭعىس لەپسىباەۆتىڭ ايتۋىنشا, ەنەرگيانى ۇنەمدەۋ ماسەلەسى بۇگىنگى تاڭداعى وتە ماڭىزدى پروبلەمالاردىڭ ءبىرى.
– قازىرگى ۋاقىتتا استانا قالاسى اكىمدىگىنىڭ باسشىلىعىمەن قالانى «جاسىل» ەتۋ ءۇشىن ءتۇرلى ءىس-شارالاردى قامتيتىن 2035 جىلعا دەيىنگى قالانى دامىتۋدىڭ باس جوسپارىنىڭ جوباسى ازىرلەنۋدە. وزدەرىڭىزگە ءمالىم, ەلوردادا 1950-1970 جىلدارى سالىنعان ەسكى ۇيلەر ءالى دە بار. قاناتقاقتى جوبا جانە تۇرعىن ءۇي رەنوۆاتسياسى باعدارلاماسى اياسىندا استانادا ءۇش جىلدان بەرى سول ەسكىرگەن عيماراتتار مەن جەلىلەر جاڭعىرتىلۋدا. ماسەلەن, باس قالاداعى جاستار شاعىن اۋدانىنداعى كوپپاتەرلى تۇرعىن ۇيلەردە وسىنداي جاڭعىرتۋلار جۇزەگە اسىرىلدى. الداعى ۋاقىتتا بۇل جۇمىستار ەلوردانىڭ باسقا اۋداندارىندا دا جۇرگىزىلەدى. بۇگىندە ءبىزدىڭ اكىمدىك بۇل ماسەلەگە قولداۋ ءبىلدىرىپ وتىر. بۇل رەتتە ءبىرىنشى كەزەكتە كوممۋنالدىق نىسانداردى, ياعني ەسكى مەكتەپتەر مەن اۋرۋحانالاردى قايتا قۇرۋ ارقىلى جاڭعىرتۋ كەرەك, – دەدى «جاسىل بايتاق» پارتياسى استانا قالالىق فيليالىنىڭ باسشىسى.
«جاسىل ەكونوميكا سالاسىنداعى ءىس-قيمىلدار ءۇشىن ارىپتەستىك» باعدارلاماسى شەڭبەرىندە بۇۇدب استانانىڭ دامۋ جول كارتاسىنا ستراتەگيالىق ەكولوگيالىق باعالاۋ جۇرگىزىپ, پيلوتتىق جوبالاردى ىسكە اسىرۋ الدىندا ساراپشىلار قالالىق اكىمدىك وكىلدەرىمەن بىرلەسىپ كوپپاتەرلى ۇيلەردىڭ تۇرعىندارىمەن ءتۇسىندىرۋ كەزدەسۋلەرىن وتكىزدى.
مامانداردىڭ مالىمدەۋىنشە, ەلىمىزدەگى كوپپاتەرلى تۇرعىن ءۇي قورىنىڭ نەگىزىن 1960-1990 جىلدارى سالىنعان عيماراتتار قۇرايدى. بۇل سەكتور ەنەرگەتيكا جانە ءوندىرىس سەكتورىنان كەيىنگى جىلۋ جانە ەلەكتر ەنەرگياسىنىڭ ءۇشىنشى ءىرى تۇتىنۋشىسى بولىپ تابىلادى جانە ەلەكتر ەنەرگياسىنىڭ شامامەن 11 پايىزىن جانە شىعارىلاتىن جىلۋ ەنەرگياسىنىڭ 40 پايىزىن تۇتىنادى. بۇل رەتتە سالا ماماندارى قاناتقاقتى جوبانىڭ ناتيجەلەرى تكش سەكتورىندا ەنەرگيا ۇنەمدەۋدىڭ ايتارلىقتاي الەۋەتى بار ەكەنىن جەتكىزدى.
قالاداعى تۇرعىن ءۇي-كوممۋنالدىق شارۋاشىلىقتى, ونىڭ ىشىندە ەلوردانىڭ كوپقاباتتى جانە كوممۋنالدىق عيماراتتارىن جاڭعىرتۋ بارىسىندا ءۇيدىڭ قابىرعالارى مەن پانەلارالىق تىگىستەردى جىلىتۋ, سۋاعارلار مەن تولقىنداردى قالپىنا كەلتىرۋ, كىرەبەرىس ەسىكتەر مەن بالكون كونسترۋكتسيالارىن اۋىستىرۋ سياقتى ءىس-شارالار دا جۇرگىزىلەدى. كىرەبەرىستەردە ەسكى جارىقتاندىرۋ قۇرىلعىلارى LED جارىقتاندىرۋمەن تولىق اۋىستىرىلادى.
– تكش جاڭعىرتۋ اياسىندا ەڭ باستىسى, كوپپاتەرلى تۇرعىن ۇيلەردىڭ قۇبىرلارىن اۋىستىرا وتىرىپ, جىلىتۋ, ىستىق جانە سۋىق سۋمەن جابدىقتاۋ جۇيەسى جاڭعىرتىلادى جانە اۆتوماتتاندىرىلعان جىلۋ پۋنكتتەرى ورناتىلادى, – دەدى شىڭعىس لەپسىباەۆ.
ەلىمىزدەگى تۇرعىن ءۇي قورىن جىلۋمەن جانە ەلەكترمەن جابدىقتاۋ سەكتورىنداعى پارنيكتىك گازدار شىعارىندىلارىنىڭ جارتىسىنان استامى ءۇي-جايلاردى جىلىتۋعا تيەسىلى. ساراپتامالىق باعالاۋلار بويىنشا 60 000-عا جۋىق كوپپاتەرلى ۇيلەردىڭ زاماناۋي تالاپتارعا ساي كەلمەيتىن جىلۋ تەحنيكالىق سيپاتتامالارى بار جانە ەنەرگيا ءتيىمدى جاڭعىرتۋدى تالاپ ەتەدى.
سالا ماماندارىنىڭ ايتۋىنشا, قاناتقاقتى جوبا جاھاندىق ەكولوگيالىق قوردىڭ قازاقستان رەسپۋبليكاسى يندۋستريا جانە ينفراقۇرىلىمدىق دامۋ مينيسترلىگىنىڭ, استانا قالاسى اكىمدىگىنىڭ مىندەتتەمەلەرى مەن قارجىلىق قولداۋىنىڭ ارقاسىندا مۇمكىن بولعان ماڭىزدى باستاما ەكەن.
