كەشە استانا اكىمى اسەت يسەكەشەۆ قالالىق ىشكى ىستەر دەپارتامەنتى قىزمەتكەرلەرىنە جاڭا قىزمەتتىك اۆتوكولىكتەردىڭ كىلتىن تابىستادى. قازاقستاندىق پوليتسيانىڭ قۇرىلعانىنا شيرەك عاسىر تولاتىن مەرەكە قارساڭىندا ەلوردالىق ءتارتىپ ساقشىلارىنىڭ اۆتوپاركى ارناۋلى كولىكتەردىڭ تەحنيكالىق تالاپتارىنا ساي كەلەتىن 94 كولىكپەن تولىقتى.
دابىلدى داۋىس زورايتقىش قۇرىلعىلارمەن, راديوستانتسيالارمەن, بەينەتىركەگىشتەرمەن جانە زامانعا لايىق وزگە دە قوندىرعىلارمەن جابدىقتالعان بۇل كولىكتەردىڭ بارلىعى دەرلىك قازاقستاندا قۇراستىرىلعان. جاڭا اۆتوكولىكتەرگە جول-پاترۋلدىك پوليتسيا پولكى, ۋچاسكەلىك پوليتسيا ينسپەكتورلارى, جەرگىلىكتى پوليتسيا قىزمەتىنىڭ كينولوگيالىق ۆزۆودى, اۋداندىق باسقارمالار مەن اكىمشىلىك پوليتسيانىڭ كەزەكشى بولىمدەرى يە بولدى.
بۇل جاعداي ەلورداداعى قوعامدىق ءتارتىپتى قامتاماسىز ەتۋ ىسىندە جەدەل ارەكەت ەتۋگە مۇمكىندىك تۋعىزادى.قازىرگى تاڭدا ەلوردالىق پوليتسەيلەر «ەكسپو-2017» حالىقارالىق مامانداندىرىلعان كورمەسىنە شەتەلدەن جانە ەل ايماقتارىنان كەلگەن قوناقتار مەن مەكتەپ وقۋشىلارىنا باعىت-باعدار سىلتەپ, قاۋىپسىزدىگىن قاداعالاۋدا ەكەنىن ايتا كەتۋ كەرەك.
سالتاناتتى شارا بارىسىندا استانا قالاسى ىشكى ىستەر دەپارتامەنتىنىڭ باستىعى, پوليتسيا گەنەرال-مايورى امانتاي اۋباكىروۆ قالا اكىمدىگىنىڭ پوليتسەيلەردى ۇنەمى قولداۋىن اتاپ ءوتىپ, ەلوردالىق ءتارتىپ ساقشىلارىنىڭ ماتەريالدىق-تەحنيكالىق بازاسى مەن قىزمەتكەرلەردىڭ الەۋمەتتىك-تۇرمىستىق جاعدايى جىل سايىن جاقسارىپ كەلە جاتقانىن ايتىپ, شاھار باسشىلىعىنا العىسىن جەتكىزدى.
استانالىق پوليتسيا بىلتىردان بەرى ءىرى رەسپۋبليكالىق جانە حالىقارالىق ماڭىزى بار قوعامدىق-ساياسي, سپورتتىق-مادەني ءىس-شارالاردى وتكىزۋ كەزىندە جانە جەدەل ىزدەستىرۋ شارالارىن جۇرگىزۋ بارىسىندا, جولداردا كۇردەلى جاعدايلار تۋىنداعاندا كولىك قوزعالىسىن باقىلاۋ كەزىندە كۆادروكوپتەرلەردى قولدانۋدا.
«قۇقىق قورعاۋ ورگاندارى جۇمىسىنىڭ ساپاسىن ارتتىرۋ اياسىندا اتقارىلىپ وتىرعان ەلوردالىق ىشكى ىستەر دەپارتامەنتىنىڭ قىزمەتتىك اۆتوكولىكتەر پاركىن جاڭارتۋ ءىسى مەملەكەت بۇل باعىتتا جۇرگىزىپ جاتقان كولەمدى كەشەندى شارالار جوسپارىنىڭ ءبىر بولىگى عانا» دەيدى استانا قالاسى ىشكى ىستەر دەپارتامەنتى جول-پاترۋلدىك پوليتسيا پولكى كومانديرىنىڭ ورىنباسارى كەنجەبەك دۇيسەبەكوۆ.
امانعالي قالجانوۆ
