60 اۋلا اباتتاندىرىلادى
ەلوردادا جىل سايىن جاز ماۋسىمىندا اۋدانداردى كوگالداندىرۋ جانە اباتتاندىرۋ جۇمىستارى جانداندىرىلادى. بيىل اۋلالار, ساياباقتار مەن سكۆەرلەر جوندەۋدەن وتكىزىلمەك. قالا كۇنىنە دەيىن جۇزەگە اسىرىلعان كەيبىر جۇمىستار ودان ءارى جالعاسىن تاباتىن بولادى. بۇل تۋرالى astana.kz سايتىنا استانا قالاسى اكىمى اپپاراتىنىڭ ءباسپاسوز قىزمەتىنەن حابارلادى.
2010-2013 جىلدارى سارىارقا اۋدانىنداعى 707 اۋلانىڭ 430-ى اباتتاندىرىلدى. سونداي-اق, 80 اۋلاعا بالالارعا ارنالعان ويىن الاڭدارى ورناتىلدى. بيىل اۋداندا 150 اۋلا اباتتاندىرۋ جۇمىستارىن قاجەت ەتەدى. قازىرگى ۋاقىتتا 50 اۋلا جوبالانسا, 28 اۋلادا بولشەكتەۋ جۇرگىزىلىپ, قۇرىلىس-مونتاجداۋ جۇمىستارى قولعا الىندى.
ەسىل اۋدانىندا بيىلعى ماۋسىمدا 13 تۇرعىن ءۇيدىڭ اۋلاسىن اباتتاندىرۋ جوسپارلانعان. اۋلا ىشىلىك اۋماقتى اباتتاندىرۋ دايىندالعان جوبالار نەگىزىندە جۇزەگە اسىرىلادى. ەسىل اۋدانىندا 500 شارشى مەترلىك بالالار مەن گيمناستيكالىق الاڭدارعا رەزەڭكە جابىن توسەلدى, 10 گيمناستيكالىق ترەناجەر مەن 8 شاعىن ارحيتەكتۋرالىق فورما ء(اتكەنشەك, كارۋسەل, «ورمەكشى» ويىن كەشەنى, قۇم سالعىش جانە ت.ب.), سونداي-اق, 550 شارشى مەترلىك سپورت الاڭى ورناتىلدى.
قازىرگى ۋاقىتتا الماتى اۋدانىندا 20 اۋلادا قۇرىلىس-مونتاجداۋ جۇمىستارى قولعا الىندى. 13 ويىن كەشەنى, 18 قۇمسالعىش, 18 كىر جاياتىن ورىن, 6 سپورت الاڭى, 40 جارىقتاندىرۋ تىرەگى, 194 ورىندىق, 206 قوقىس جاشىگى, 11 كۇركە ورناتىلادى, 38 043,15 ش.م. اۋماققا اسفالت توسەلەدى, 1589,92 ش.م. تروتۋارعا كەسپە تاستار سالىنادى. بۇگىندە 7558,09 ش.م. وتكەلدەر مەن تۇراقتار اسفالتتالدى, 300 ش.م. تروتۋارعا كەسپە تاستار سالىنىپ, 1078,68 قۋما مەتر گۇلزار قورشالدى, 2 كىر جاياتىن ورىن مەن دەمالىس الاڭى جاسالدى, 28 ورىندىق, 29 قوقىس جاشىگى, 7 جارىقتاندىرۋ تىرەگى ورناتىلىپ, بالالار الاڭىنا 2 ويىن كەشەنى مەن 27 شاعىن ارحيتەكتۋرالىق فورما, 12 گيمناستيكالىق ترەناجەر ورناتىلدى.