نيدەرلاند ديزاينەرىنىڭ اۆتورلىعىمەن استانادا تاعى ءبىر ارت-نىسان اشىلدى. ورتالىق ساياباققا قىزعالداققا قۇمبىل قىلاتىن 20-عا جۋىق ديزاينەرلىك كرەسلولار قويىلدى. TULPI دەپ اتالاتىن تاماشا كرەسلولاردىڭ اۆتورى – ديزاينەر ماركو ماندەرس.
ساياباقتاعى اسەرلى دۇنيەنىڭ اشىلۋ سالتاناتىنا ەسىل اۋدانىنىڭ اكىمى تولەگەن زاكاريانوۆ, Shell كونتسەرنىنىڭ وكىلى وليۆە لازار قاتىستى. اۋدان اكىمى بۇل كرەسلولار قىدىرىستاپ جۇرگەندەرگە سەرگەك كوڭىل كۇي سىيلايتىنىن جەتكىزدى. قىزعالداقتىڭ وتانى سانالاتىن نيدەرلاندى قىنارداي گۇلىمەن الەمدى وزىنە قاراتتى. ەندى ەلوردامىز دا ەمىرەنىپ كەلگەندەرگە ەرەكشە جىلۋلىق تارتۋ ەتەدى دەمەك. باس قالادان باسقا قىرعىن قىزعالداق بۇعان دەيىن شىمكەنتتە دە قاۋىز جارعانىن ايتا كەتۋ كەرەك.
ال ەلورداداعى ارت-نىساندار تازا ەكولوگيالىق ماتەريالدان, قالدىعىن قايتا پايدالانۋعا بولاتىن دۇنيەدەن جاسالعان. مۇنداي ورىندىقتار الەمنىڭ كوپتەگەن الاڭدارىندا جانە شارتاراپ شاھارلارى كوشەلەرىندە بار. جاڭا ارت-تۋىندى ورتالىق اللەياداعى «التىن كەسە» مونۋمەنتىنە جاقىن ماڭدا ورنالاسقان. ەندى قالا تۇرعىندارى قىناداي قىزعالداقتىڭ اراسىندا قيالعا بەرىلە الادى. ساياباقتا جيىنى 25 كرەسلو بار. بۇل Shell-ءدىڭ قازاقستانداعى 25 جىلدان بەرگى بەلسەندىلىگىن بەينەلەيدى.
