تۇركىستان وبلىسى
قازاقستان پرەزيدەنتى اكىمشىلىگىنىڭ كەلىسىمىمەن تۇركىستان وبلىسى اكىمىنىڭ بۇيرىعىنا سايكەس قايرات نۇكەنوۆ تۇركىستان وبلىسى اكىمىنىڭ ءبىرىنشى ورىنباسارى لاۋازىمىنا تاعايىندالدى. ول بۇعان دەيىن پاۆلودار وبلىسى ەكىباستۇز قالاسى اكىمى قىزمەتىن اتقارعان.
پاۆلودار وبلىسى
اققۋلى اۋدانىندا اباي قۇنانبايۇلىنىڭ تۋعان كۇنىنە وراي «اباي مۇراسى – حالىق قازىناسى» اتتى وبلىستىق جاس اقىندار ايتىسى ءوتتى. ايتىستا وبلىستىڭ ءار وڭىرىنەن جاس اقىندار قاتىسىپ, باق سىناستى. قازىلار القاسىنىڭ شەشىمىمەن باس جۇلدەنى التاي قادىربەك يەلەنىپ, 1-ورىن – نۇربەك باكىرگە, 2-ورىن – ايبەك ورالحانعا, 3-ورىن مارعۇلان جانباۋعا بۇيىردى.
قىزىلوردا وبلىسى
سپورت كۇنى قارساڭىندا قىزىلوردا قالاسىندا قازاقستان رەسپۋبليكاسى اۋىل جاسوسپىرىمدەرىنىڭ جازعى سپورت ويىندارى وتەدى. اۋىل جاسوسپىرىمدەرىنىڭ رەسپۋبليكالىق جازعى سپورت ويىندارى ءتورت جىلدا ءبىر رەت وتكىزىلەدى. بيىلعى دودادا رەسپۋبليكانىڭ 14 وبلىسىنان 2000-عا جۋىق اۋىل سپورتشىلارى شەبەرلىك بايقاسادى.
اتىراۋ وبلىسى
اۋەسقوي بالىقشىلار جايىق جاعالاۋىنان 15 توننا قوقىس جينادى. 20 ەرىكتى تەمىرجول كوپىرىنەن اينالما جول كوپىرىنە دەيىنگى 700 مەترلىك جاعالاۋدى تازارتقان. «Balyqshy Atyrau 1» اۋەسقوي بالىقشىلار كلۋبى ۇيىمداستىرعان اكتسيا, نەگىزىنەن, حالىقتىڭ ەكولوگيالىق ءتارتىبىن ساقتاۋعا, سۋدىڭ لاستانباۋىنا, دەمالىس ماۋسىمى كەزىندە جاعالاۋ ايماعىن جاقسارتۋعا باعىتتالعان.
قاراعاندى وبلىسى
وبلىس ورتالىعىنداعى №3 ەمxانادا پەدياتريا ورتالىعى اشىلدى. ورتالىقتا 16 دارىگەر جۇمىس ىستەيدى. ولار جاڭا تۋعان سابيلەردەن باستاپ التى جاسقا دەيىنگى 8000 بالانىڭ دەنساۋلىعىن باقىلايدى.
سولتۇستىك قازاقستان وبلىسى
وبلىستا ءبىر جۇمىسكەردىڭ ورتاشا ايلىق جالاقىسى 113336 تەڭگەنى قۇرادى. سالالىق قۇرىلىم بويىنشا ەڭ جوعارعى جالاقى تاۋ-كەن ونەركاسىبى جانە كارەر وڭدەۋ سالاسىنا تيەسىلى. بۇل سالانىڭ جۇمىسكەرلەرى ورتا ەسەپپەن 220 مىڭ تەڭگە جالاقى الادى.
شىعىس قازاقستان وبلىسى
2018 جىلدىڭ قىركۇيەگىنەن باستاپ وڭىردەگى 3, 6, 8-سىنىپتار جاڭا وقۋ باعدارلاماسىنا كوشەدى. سوعان وراي, وبلىستا اتالعان سىنىپتاردا وقيتىن وقۋشىلار ءۇشىن 1481133 دانا وقۋلىققا تاپسىرىس بەرگەن. 15 تامىزعا دەيىن وبلىستىڭ بارلىق مەكتەبى جاڭا وقۋلىقتارمەن قامتاماسىز ەتىلەدى.
