قازاقستان رەسپۋبليكاسى تۇڭعىش پرەزيدەنتى – ەلباسى كىتاپحاناسىنىڭ ۇيىمداستىرۋىمەن وتكەن, ۇلى اباي اتامىزدىڭ شىعارماشىلىعىن دارىپتەۋ ماقساتىندا جاريالانعان «ءىV اباي وقۋلارى» ادەبيەت سايىسىنىڭ جەڭىمپازدارى انىقتالدى.
ەلباسى كىتاپحاناسىنىڭ ديرەكتورى, پروفەسسور ءامىرحان راحىمجانوۆتىڭ سوزىنە زەر سالساق, داناگوي اقىننىڭ شىعارماشىلىعىن جاڭعىرتۋدا ەلباسى كىتاپحاناسى اباي وقۋلارىن ۇيىمداستىرۋدى يگى داستۇرگە اينالدىرىپ قانا قويماي, جاستاردىڭ وقۋعا قۇشتارلىعىن وياتىپ, ومىرلىك كوزقاراسىن كەڭەيتۋ ماقساتىندا بيىل «اباي – 175» جوباسىن ىسكە قوستى. ويشىلدىڭ پالساپالىق مۇراسىن ارنايى باعدارلامامەن ازىرلەنگەن سەمينار-ترەنينگتەر مەن بىلىكتىلىك دارىستەرىنىڭ نەگىزىنە الادى. رەسمي سايتىنداعى ەلەكتروندى كاتالوگتىڭ كومەگىمەن مەكەمە اباي ەڭبەكتەرىنە قولجەتىمدىكتى ىسكە اسىردى. ويشىلدىڭ تۋعان كۇنىنە وراي ەلباسى كىتاپحاناسى اقىننىڭ رۋحى مەن شىعارماشىلىعىنا ارناپ كورمەلەر مەن ءتۇرلى ءىس-شارالاردى ۇيىمداستىرۋدى دا ادەتكە اينالدىرعان. 2016 جىلى كىتاپحانا ءارحيۆىنىڭ قىزمەتكەرلەرى شىعىس قازاقستان وبلىسىنداعى جيدەباي اۋىلىنا ساپارمەن بارىپ, سەمەي قالاسىنداعى تاريح جانە ولكەتانۋ مۋزەيىنەن, قۇجاتتاۋ ورتالىعىنان, اباي اتىنداعى امبەباپ كىتاپحانادان اقپارات جيناپ, تىڭ دەرەكتەرمەن قوردى تولىقتىردى.
بيىلعى بايقاۋدا قازىلار القاسىنىڭ شەشىمىمەن ءبىرىنشى ورىندى نۇر-سۇلتان قالاسىنىڭ №2 كوپبەيىندى اۋرۋحاناسى مەديتسينا قىزمەتكەرلەرىنىڭ ۇجىمى يەلەندى. ەكىنشى ورىندى سەمەي قالاسىنداعى فيزيكا-ماتەماتيكا باعىتىنداعى نازارباەۆ زياتكەرلىك مەكتەبىنىڭ 11-سىنىپ وقۋشىسى السانا سمايلوۆا السا, ءۇشىنشى ورىن جامبىل وبلىسى, قورداي اۋدانى, سورتوبە اۋىلىنداعى ورتا مەكتەپتىڭ 3-سىنىپ وقۋشىسى كاريما ليۋشانلوعا بۇيىردى.
