بولات ءمۇرسالىم:
– كوركەم ادەبيەتكە كونيۋنكتۋرا ءجۇرمەيدى. ادەبيەتتە «كونيۋنكتۋرششيك» دەگەن – «حالتۋرششيك» دەگەن سياقتى اۋىر ءسوز. وقىرماننىڭ ىعىنا جىعىلىپ, ادەبي ورتانىڭ تالعامىنا ىڭعايلانىپ جازىلعان دۇنيەنىڭ ادەبي ءومىرى ۇزاق بولمايدى. سوندىقتان جازۋشىلار نارىقتى زەرتتەسىن دەگەندى اسا تۇسىنە قويمايمىن.
ادەبيەت – جان ەڭبەگى, يرراتسيونالدى قۇبىلىس, تۇيسىك پەن سەزىمگە سۇيەنەدى. اقىن مەن جازۋشىنىڭ دا كوزدەگەنى باسقا. ال نارىقتى زەرتتەپ, سەگمەنتتەپ, ءوز اۋديتورياسىنا ورايلاپ جازۋ كوركەم ادەبيەت ەمەس, كوممەرتسيالىق ماقساتقا قاتىستى ايتىلعان شىعار.
راس, قازاقستاندا بولماسا دا, الەمدە كىتابىن ساتىپ, ميلليونداپ اقشا تاۋىپ جاتقان جازارماندار بار. بىراق ادەبي قاۋىم كوبىنە ونداي جازارماندى شىن جازۋشى سانامايدى. «ەگەر سونشا اقىلدى بولساڭ, وندا نەگە كەدەيسىڭ؟» دەگەن ولشەممەن جازۋشىنىڭ دەڭگەيىن ولشەۋگە بولمايدى. ءار نارسەنىڭ شەكاراسى بار.
