افريكا الىپتارى استانادا
كەشە استانا كۇنى مەرەكەسى اياسىندا IX «ازيا جاڭعىرىعى» اتتى حالىقارالىق تسيرك فەستيۆالىنىڭ شىمىلدىعى ءتۇرىلدى. وندا سەگىز مەملەكەتتىڭ تالانتتى ارتىستەرى ونەر كورسەتتى.
فەستيۆال كورەرمەندەرى افريكانىڭ ەكزوتيكالىق الىپتارىنىڭ شوۋىن تاماشالادى. كەرىك باگيرا جانە مۇيىزتۇمسىق بوني, سونداي-اق, ۇيرەتىلگەن ايۋلار مەن مايمىلدار مانەجگە شىعىپ, جۇرتشىلىقتى ونەرلەرىمەن ءتانتى ەتتى. اسىرەسە, اكروباتتاردىڭ اۋادا تارتىلعان ءجىپ ۇستىندە ءجۇرىپ, جاساعان قيمىلدارى ەشكىمدى بەي-جاي قالدىرمادى. سونىمەن بىرگە, مونوتسيكل مىنگەن ەكۆيليبريستتەر, ارقانمەن جۇرەتىندەر جانە ەفيوپيالىق ارتىستەردىڭ ورىنداۋىنداعى يكاريلىك ويىنداردىڭ بارلىعى دا جاس جەتكىنشەكتەردى عانا ەمەس, ەرەسەكتەردى دە تاڭقالدىردى.
بايقاۋعا قاتىسىپ وتىرعان بەلارۋس, رەسەي, گوللانديا, موڭعوليا, قىرعىزستان, تۇركمەنستان, ەفيوپيا جانە وتاندىق تسيرك ونەرىنىڭ مايتالماندارىنىڭ بارلىعى الەمدىك دەڭگەيدەگى فەستيۆالداردىڭ جەڭىمپازدارى مەن ءوز جانرلارىنىڭ ناعىز شەبەرى دەپ اتاۋعا بولادى.
شارا اياسىندا «كاۆالكادا» مەرەكەلىك شەرۋى ۇيىمداستىرىلدى. تسيرك ارتىستەرى ۇرمەلى اسپاپتار وركەسترىنىڭ سۇيەمەلدەۋىمەن قابانباي باتىر داڭعىلىنىڭ بويىمەن دوستىق كوشەسىنە دەيىن بارىپ, سودان كەيىن تۇركىستان جانە قوناەۆ كوشەلەرىمەن ءجۇرىپ ءوتتى.
فەستيۆال 7-ءشى شىلدەدە اياقتالادى.
ازامات ەسەنجول