بۇگىندە ەلوردادا قوعامدىق دەنساۋلىق ساقتاۋ باسقارماسىنا قارايتىن 37 مەديتسينالىق ۇيىم بار. ونىڭ ىشىندە 3 پەريناتالدى ورتالىق ياعني پەرزەنتحانا, 3 وتباسى دەنساۋلىعى ورتالىعى جانە 16 امبۋلاتورلىق-ەمحانالىق ءبولىمى, ونىڭ ىشىندە 13 قالالىق ەمحانا بار. وسى مەديتسينالىق مەكەمەلەردىڭ بارىندە ايەلدەر كونسۋلتاتسياسى جۇمىس ىستەيدى.
سوڭعى ستاتيستيكالىق ءمالىمەتتەرگە سۇيەنسەك, 2018 جىلدىڭ العاشقى توقسانىندا بويىنا بالا بىتكەن ايەلدەردى ۇرىق دامۋىنىڭ 12 اپتالىعىندا تىركەۋگە الۋ 13 پايىزعا كوتەرىلىپ, وتكەن جىلعى 75,9 پايىزدان, وسى كەزەڭمەن سالىستىرعاندا 85,8 پايىزدى قۇراپ, ءبىرشاما ىلگەرىلەگەنىمىزدى كورسەتەدى.
وتكەن جىلدىڭ سالىستىرمالى كەزەڭىمەن الىپ قاراعاندا «كەسار تىلىگى» ارقىلى جاسالىنعان وپەراتسيالاردىڭ دا سانى كەمىدى. بۇل ايەل تابيعي جولمەن وزدىگىنەن بوسانا الماسا نەمەسە ايەل مەن ءسابيدىڭ ومىرىنە قانداي دا ءبىر قاۋىپ ءتونىپ تۇرسا جاسالاتىن وتا. سالىستىرمالى كەزەڭمەن سالىستىرعاندا 1904 ايەلگە وتا جاسالسا, وسى مەرزىمدەگى بيىلعى كورسەتكىش بويىنشا, 1719 وتا جاسالعان. 2017 جىلمەن سالىستىرعاندا ايەلدەردىڭ مەديتسنالىق-الەۋمەتتىك كورسەتكىشتەرىنە قاتىستى جاساندى تۇسىك جاساۋ سانى دا ءبىراز كەمىدى. بىلتىردان بەرى 8,4 پايىزدان 4,68 پايىزعا دەيىن تومەندەگەن.
استانا قالاسى مەديتسينالىق مەكەمەلەرىندە بارلىق ايەلدەر جۇكتىلىكتىڭ ءبىرىنشى جانە ەكىنشى تريمەستەرىندە بيوحيميالىق سكرينينگتەن وتۋگە تولىق قامتىلعان. وسى رەتتە مەديتسينا سالاسىنىڭ قىزمەتكەرلەرىن, اكۋشەر-گينەكولوگتارىن, پەريناتالدى كومەك بەرەتىن ورتا بۋىن مەديتسينا قىزمەتكەرلەرىن دايارلاۋ, وقىتۋ جۇمىستارى جۇرگىزىلۋدە. ەكى قابات ايەلدەرگە جانە جاڭا تۋعاندارعا, سونىمەن بىرگە بەس جاسقا دەيىنگى بالالارعا پاتروناجدى قىزمەت ەتۋدىڭ ءتيىمدى ءتاسىلى ەنگىزىلدى. ساندىق ساپاعا كوشىرۋدىڭ شەڭبەرىندە «مەنىڭ جۇكتىلىك كەزەڭىم» اتتى ءموبيلدى قوسىمشا ىسكە قوسىلدى. جىل سايىن بالا تۋعا قابىلەتتى جاستاعى ايەلدەردى پروفيلاكتيكالىق تەكسەرۋدەن وتكىزۋ تۇراقتى جۇرگىزىلەدى.
قالاداعى ونعا تارتا جاستار ورتالىعىندا بويجەتكەن قىزدار مەن جاس جىگىتتەردىڭ رەپرودۋكتيۆتى دەنساۋلىعىن قورعاۋ بويىنشا جۇمىستار جۇرگىزىلىپ كەلەدى.
جازيرا ەمبەرديەۆا,
استانا قالاسى قوعامدىق
دەنساۋلىق ساقتاۋ باسقارماسى
باسشىسىنىڭ ورىنباسارى
