ەكولوگيالىق قۇقىق بۇزۋشىلىقتاردى انىقتاۋ, جولىن كەسۋ جانە ەكولوگيانى جاقسارتۋ بويىنشا شارالار قابىلداۋ ماقساتىندا نۇر-سۇلتان قالاسىنىڭ اۋماعىندا «تازا قازاقستان» ايلىعى وتۋدە. نۇر-سۇلتان قالاسى پوليتسيا دەپارتامەنتى تابيعات قورعاۋ پوليتسياسى بولىمشەسىنىڭ ينسپەكتورلارى, ۋچاسكەلىك ينسپەكتورلار, پاترۋلدىك پوليتسيا پولكىنىڭ قىزمەتكەرلەرى جەدەل-الدىن الۋ ءىس-شارالارىن وتكىزۋ كەزىندە ادامدار كوپ جينالاتىن جەرلەردە رەيدتەر ۇيىمداستىرىپ, تابيعات قورعاۋ زاڭناماسىنىڭ باسقا دا بۇزۋشىلىقتارىن انىقتاۋ بويىنشا شارالار قابىلداۋدا.
نۇر-سۇلتان قالالىق پوليتسيا دەپارتامەنتى ءباسپاسوز قىزمەتىنىڭ حابارلاۋىنشا, ەلوردانىڭ سول جاعالاۋىنداعى 18 جەكە ۇيىم ەكولوگيالىق بۇزۋشىلىقتار ءۇشىن جاۋاپكەرشىلىككە تارتىلدى. تالداۋ كورسەتكەندەي, نەگىزىنەن ەكولوگيالىق زاڭنامانى بۇزۋعا قۇرىلىس ۇيىمدارى جول بەرەدى. جىل باسىنان بەرى 12 نىساندا وسىنداي بۇزۋشىلىقتار انىقتالعان. مىسالى, قۇرىلىس كومپانياسىنا ىرگەلەس اۋماقتى ۋاقىتىلى جيناماعانى, جولعا بالشىق شىعارعانى ءۇشىن ايىپپۇل سالىندى.
سونىمەن قاتار اباتتاندىرۋ ەرەجەلەرىن بۇزعانى ءۇشىن 40-تان اسا جەكە تۇلعا قر اقبك 505-بابى بويىنشا اكىمشىلىك جاۋاپكەرشىلىككە تارتىلدى. كوپتەگەن اۋىر جۇك كولىكتەرى قاردى, قوقىستى, اعىندى سۋلاردى, ەرىگەن سۋ مەن قۇرىلىس قالدىقتارىن رۇقسات ەتىلمەگەن جەرلەرگە تاستاپ, جاۋاپسىزدىق تانىتقان. تابيعات قورعاۋ پوليتسياسىنىڭ قىزمەتكەرلەرى شاعىن ورتا بيزنەس نىساندارىنا ىرگەلەس اۋماقتى ۇساق تۇرمىستىق قوقىستاردان تازارتۋ بويىنشا 100-دەن اسا ۇيعارىم بەردى.
