جىل سايىن 15 ناۋرىزدا بارلىق الەم جۇرتشىلىعى دۇنيەجۇزىلىك تۇتىنۋشىلاردىڭ قۇقىقتارىن قورعاۋ كۇنىن اتاپ وتەدى. استاناداعى «ادىلەت» تۇتىنۋشىلار قۇقىعىن قورعاۋ قوعامى وسى ايتۋلى كۇنگە ارناپ ماڭىزدى جيىن وتكىزدى.
تاريحقا شەگىنىس جاسايىق. اتاۋلى كۇندى 1961 جىلى بۇۇ ۇيىمى بەكىتىپ, بىراق العاش رەت 1983 جىلى اتاپ وتكەن. سودان بەرى الەمدە وسى كۇنگە بايلانىستى ءتۇرلى شارالاردى وتكىزۋ داستۇرگە اينالعان. ودان ءبىزدىڭ ەلىمىز دە تىسقارى قالىپ كورگەن ەمەس. ويتكەنى ءبارىمىز دە تۇتىنۋشىمىز. سوندىقتان, ونىڭ ماڭىزى سالماقتىلاۋ.
ەلورداداعى «ادىلەت» تۇتىنۋشىلار قۇقىعىن قورعاۋ قوعامى جيىرما ءۇش جىلدان بەرى جەمىستى جۇمىس ىستەيدى. وسى ۋاقىت ارالىعىندا وعان باس قالانىڭ ءاربىر ەكىنشى وتباسى كومەككە جۇگىنگەن. وندا قاراپايىم جەكە ادامنىڭ وتىنىشىنەن باستاپ, قالالىق دەڭگەيدەگى وزەكتى ماسەلەلەرگە دەيىن قاراستىرىلعان. ناتيجەسى دە ولقى ەمەس.
ء–بىز ءۇشىن بۇگىنگى اتاۋلى كۇننىڭ ءمانى زور. تۇرعىندار الدىندا جىل بويى اتقارعان جۇمىسىمىزدى ءبىر ساراپتاپ الامىز. ءبىزدىڭ قوعام قۇرىلعاننان بەرى ءجۇز مىڭنان اسا ادامنىڭ قۇقىعىن قورعادىق. جىلدان جىلعا تۇرعىندار تاراپىنان تۇسەتىن وتىنىشتەر دە ازايدى. ماسەلەن, 2014 جىلى 4000 ارىز تۇسسە, وتكەن جىلى 2000 عانا شاعىم جازىلعان. دەمەك, تۇتىنۋشىلار دا ءوز قۇقىقتارىن تالاپ ەتۋدى ۇيرەندى دەگەن ءسوز. سوندىقتان, بارلىقتارىڭىزدى وسى ايتۋلى كۇنمەن قۇتتىقتايمىن, – دەدى «ادىلەت» تۇتىنۋشىلار قۇقىعىن قورعاۋ توراعاسى قابىكەن زاكاريانوۆ.
جيىن سوڭىندا وسى سالانى دامىتۋعا قوماقتى ۇلەس قوسىپ جۇرگەن بىرقاتار ازاماتتارعا ارنايى العىس حات تاپسىرىلدى.
ازامات ەسەنجول
ماتەريالدى “استانا اقشامى” گازەتىنىڭ astana-akshamy.kz رەسمي سايتىنا سىلتەمە جاساعاندا عانا پايدالانۋعا رۇقسات ەتىلەدى.
