«استانا تاڭداۋى – 2014» بايقاۋىنا قاتىسۋشىلاردان وتىنىشتەر قابىلداۋ اياقتالدى. ءساۋىر ايىنان باستاپ 31 مامىرعا دەيىن جەتى اتالىم بويىنشا وتىنىشتەر قابىلداندى.
ال 1 ماۋسىمنان باستاپ استانا قالاسى اكىمدىگىنىڭ سايتىندا پەداگوگتار, دارىگەرلەر, جول سالۋشىلار, ەنەرگەتيكتەر, جولاۋشىلار كولىگىنىڭ جۇرگىزۋشىسى, ۋچاسكەلىك ينسپەكتور مەن قۇرىلىسشىلار اراسىندا ۇزدىكتەردى انىقتاۋ بويىنشا اشىق داۋىس بەرۋ باستالىپ كەتتى. وبەكتيۆتى داۋىس بەرۋدى قامتاماسىز ەتۋ ءۇشىن ءاربىر ەلوردا تۇرعىنى استانا قالاسى اكىمدىگىنىڭ سايتىندا ءبىر ەلەكتروندى مەكەنجايدان ءبىر عانا داۋىس بەرە الادى. وسىلايشا, داۋىس بەرۋدىڭ ءناتيجەسىندە ماماندىقتار بويىنشا ناعىز كوشباسشىلار انىقتالادى.
قازىرگى ۋاقىتتا ۇيىمداستىرۋشى كوميتەتكە 250 ءوتىنىش كەلىپ تۇسكەن. ءار اتالىم بويىنشا ۇزدىكتەر 1-20 ماۋسىم ارالىعىندا استانا اكىمدىگىنىڭ www.astana.gov.kz سايتىندا تاڭدالادى.
«استانا تاڭداۋى» بايقاۋىنىڭ جەڭىمپازدارى حالىقتىڭ تانىمىنا يە بولادى. ال ۇزدىك بولعان ماماندارعا استانا قالاسىنىڭ اكىمى كۋبوك تابىس ەتەدى. سونىمەن قاتار, جەڭىمپازدارعا باسقا دا كوپتەگەن توسىن سىيلار ۇسىنىلادى.
