ەسىل اۋدانىندا بيىل ەسكى الاڭداردى جاڭارتۋ, قوقىس ورىندارىن تازارتۋ جۇمىستارى قارقىندى جۇرگىزىلۋدە. جاقىندا جالپى اۋماعى 4 مىڭ شارشى مەتردى قۇرايتىن ەكى الاڭ قايتا جوندەۋدەن وتكىزىلىپ, پايدالانۋعا بەرىلدى.
تۇرعىن ۇيلەر اراسىنا ورنالاسقان بۇل الاڭدار «استانا تريۋمفى», «تريۋمفال» دەپ اتالادى. تۇرعىنداردىڭ ءوتىنىشى بويىنشا جوندەۋدەن وتكەن بۇل الاڭداردا تۇرعىنداردىڭ سپورتپەن اينالىسۋىنا قولايلى جاعداي جاسالعان. سونىمەن قاتار, جاسىلداندىرۋ جۇمىستارى دا جۇرگىزىلگەن.
قوقىس ماسەلەسى – قالا ورتاسىن جاقسارتۋداعى باستى تاقىرىپتاردىڭ ءبىرى. جينالعان قوقىستى ۋاعىندا تازالاپ تۇرۋ ءۇشىن بۇل اۋدان قوقىس الاڭدارىنا جاڭادان 26 كونتەينەر قويدى. بۇل كونتەينەرلەر دە الاڭنىڭ ەستەتيكالىق كوركەمدىگىن ارتتىرۋعا كومەكتەسەدى.
ايتا كەتەيىك, كەلەر جىلدان باستاپ ەسىل اۋدانىندا بارلىق قوقىس الاڭدارىنداعى قوقىس كونتەينەرلەرى «مولوك» جەراستى كونتەينەرلەرىنە اۋىستىرىلادى.
