ەسىل اۋدانى جاسىرىن قاتەرلەردىڭ الدىن الىپ, تۇرعىندار تىرشىلىگىن قامتاماسىز ەتۋ ماقساتىندا قاۋىپسىزدىك شارالارىن كۇشەيتتى.
اۋداندىق تجب قىزمەتكەرلەرى بالىق اۋلاۋ كەزىندە توتەنشە جاعدايلاردىڭ الدىن الۋعا جانە وقىس جاعدايلاردى بولدىرماۋعا باعىتتالعان الدىن الۋ جۇمىستارىن جۇرگىزدى. ءىس-شارا بارىسىندا بالىق اۋلاۋشىلارعا قاۋىپسىزدىك ەرەجەلەرىن ساقتاۋ تۋرالى ەسكەرتۋ سيپاتىنداعى جادىنامالار تاراتىلدى, سونداي-اق باسقارما قىزمەتكەرلەرى ءورت قاۋىپسىزدىگى تالاپتارىن ساقتاۋ قاجەتتىلىگى تۋرالى تۇرعىندارعا كەڭەستەر بەردى.
بالالاردىڭ قاۋىپسىزدىك ساناسىن ارتتىرۋ ماقساتىندا تجب قىزمەتكەرلەرى «Manhattan kids» بالاباقشاسىنا بارىپ, «ءورت تۋىلعان كەزىندەگى مىنەز-قۇلىق ەرەجەلەرى» تاقىرىپتارىنا اشىق ساباق وتكىزىلدى. سونىمەن قاتار, تۇرمىستىق ءورتتى ازايتۋ ماقساتىندا ۇيلەردى ارالاپ, تۇرعىندارعا ورتتەن ساقتانۋ ادىستەرىن ۇيرەتتى.
