الاش ارداگەرى, ءتىل ءبىلىمىنىڭ اتاسى احمەت بايتۇرسىنۇلىنىڭ 150 جىلدىق مەرەيتويى جانە ءتىل مەرەكەسى اياسىندا قازاقستان رەسپۋبليكاسى ۇلتتىق اكادەميالىق كىتاپحانا قىزمەتكەرلەرى, عالىمدار, قوعام قايراتكەرلەرى, جۋرناليستەر, «ەسىل تولقىندارى» حالىقتىق ارداگەرلەر ءانسامبلى جانە ج.جاباەۆ اتىنداعى №4 مەكتەپ-گيمنازياسىنىڭ قازاق ءتىلى مەن ادەبيەتى بىرلەستىگى مەن وقۋشىلارى بىرلەسە ۇيىمداستىرعان احمەت بايتۇرسىنوۆتىڭ 150 جىلدىق مەرەيتويىنا ارنالعان «ال كىتاپتى قولدارىڭا» اتتى ادەبي-تانىمدىق كەش ءوتتى.
ادەبي كەشتە فيلولوگيا عىلىمدارىنىڭ دوكتورى, ل.ن. گۋميلەۆ اتىنداعى ەۋرازيا ۇلتتىق ۋنيۆەرسيتەتى قازاق ادەبيەتى كافەدراسىنىڭ پروفەسسورى سەرىك نەگيموۆ, قوعام جانە مەملەكەت قايراتكەرى ورازكۇل اسانعازى, ارداگەر ۇستاز, قوعام جانە مادەنيەت قايراتكەرى وسپان سۇلەيمەنۇلى, فيلولوگيا عىلىمدارىنىڭ دوكتورى, ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتى تۇركىتانۋ كافەدراسىنىڭ پروفەسسورى ماعريفا قايرانبايقىزى احمەت بايتۇرسىنوۆتىڭ ەرەن ەڭبەگىن, رۋحتى تۇلعاسىن باياندادى. مەكتەپ وقۋشىلارى ي.كەنجەبەك, ن.دۋلاتقىزى «ۇلت ۇستازى – احمەت بايتۇرسىنوۆ» تاقىرىبىندا تانىستىرىلىم قورعاپ, مەكتەپتىڭ جاس اقىندارى نۇرلىباي جاكەتاەۆ پەن قۋانىش ولجاس جۇرەكجاردى ولەڭدەرىن مانەرلەپ جەتكىزسە, ز.اعابەكوۆا احمەت بابامىزدىڭ «اناما حات» ولەڭىن وقىدى. قازاقتىڭ ءتىلى باي, كوركەم, سۇلۋ, سىرلى عوي, «ەسىل تولقىندارى» ارداگەرلەر ءانسامبلى انشىلەرى احمەت بابامىزدىڭ «اققۇمىن» اۋەلەتە شىرقاپ, بابامىزدىڭ جۇرەك تولقىنىسىن جەتكىزگەندەي بولدى. «ءبىرجان سال» وپەراسىنان دا ءۇزىندى تاماشالاندى.
قازاق ءتىل ءبىلىمىنىڭ اتاسى, ۇلت ۇستازى احمەت بايتۇرسىنوۆ مۇرالارى ومىرشەڭدىگىمەن ماڭىزدى.
