جاقىپبەك جەكسەنۇلى, ەلوردا تۇرعىنى:
– سارىارقا اۋدانىنىڭ «اگروگورودوك» ىقشام اۋدانىنا قاراستى داۋلەتكەرەي كوشەسىنىڭ بويىنداعى جەكەمەنشىك ۇيلەر سۇرىلەدى دەپ ەستىدىم. ءوزىم وسى جەردە ءۇي سالىپ جاتقاندىقتان, مۇنىڭ قانشالىقتى شىندىق ەكەنىن ناقتىلاپ السام دەپ ەدىم.
بۇل ساۋالعا سارىارقا اۋدانى اكىمدىگىنىڭ ءباسپاسوز حاتشىسى بيبىگۇل مۇحامەدجانوۆانىڭ جاۋابىن ۇسىنامىز.
– بۇل كوشە بويىنداعى ۇيلەر تۇتاستاي ءسۇرىلەدى دەگەن – جالعان اقپارات. مۇندا تەك زاڭدى قۇجاتى جوق, رەتسىز سالىنعان ءۇيلەر عانا بۇزىلادى. ونىڭ وزىندە دە كۇرەلۋى ءتيىس مەكەنجايلارعا الدىن الا ەسكەرتۋ حات جولداناتىن بولادى. ەگەر ءۇيىڭىزدىڭ قۇجاتى دۇرىس بولسا, بۇل ءۇشىن الاڭدايتىن دانەڭە جوق.
