ۇلبولعان بايكەنجەەۆا, وقىرمان:
– قۇرمەتتى رەداكتسيا! ءوزىم بىرنەشە مارتە حيميالىق ەم الدىم. بۇعان دەيىن ونكولوگيالىق اۋرۋلاردى انىقتايتىن پەت اپپاراتىنا كۆوتامەن عانا كەلىپ تەكسەرىلدىم. كەيدە سول جولدامانى ايلاپ, ءتىپتى جىلداپ كۇتەمىز. جۋىردا دياگنوستيكالىق ورتالىقتا تەگىن زەرتتەۋدەن وتۋگە بولاتىنى تۋرالى ەستىپ قالدىم. انىق-قانىعان وزدەرىڭىزدەن سۇرايىن دەدىم.
وقىرمان ساۋالىنا رەسپۋبليكالىق دياگنوستيكالىق ورتالىقتىڭ ديرەكتورى رۋسلان احمەتوۆتىڭ جۋابىن ۇسىنامىز:
– «UMC» كورپوراتيۆتىك قورىنا قاراستى رەسپۋبليكالىق دياگنوستيكالىق ورتالىق جاڭا پەت/كت اپپاراتىن ساتىپ الدى. بۇل – قولدانىستاعى قۇرالداردىڭ زاماناۋي بالاماسى. ونىڭ ارتىقشىلىعى – 64 كەسىندىلىك كومپيۋتەرلىك توموگرافياسى ادام اعزاسىن بارىنشا ءجىتى زەرتتەۋگە مۇمكىندىك بەرەدى: سابيدەن باستاپ ەرەسەكتەرگە دەيىنگى بارلىق ادامداردى سالماعىن ەسەپكە الا وتىرىپ, ءجىتى سكانەرلەي الادى. ورتالىقتا ناۋقاستاردىڭ 95 پايىزدان استامى زەرتتەۋدىڭ بۇل ءتۇرىن كەپىلدىك بەرىلگەن مەديتسينالىق قىزمەت اياسىندا تەگىن وتەدى. ال اقىلى نەگىزدە زەرتتەۋ قۇنى – 235 700 تەڭگە. ونى ءوز ازاماتتارىمىزبەن قاتار, كوبىنەسە الىس جانە جاقىن شەتەلدەردىڭ ازاماتتارى پايدالانا الادى.
