اللو, «استانا اقشامى»!

تايىر عازاليەۆ, قالا تۇرعىنى:
– ەلىمىزدە «جاس ديپلومات» جوباسى باستالعانى تۋرالى ەستىگەن ەدىم. بۇل باعدارلامانىڭ ماقساتى قانداي, وعان كىمدەر قاتىسا الادى؟ وسى جاعىن بىلگىم كەلەدى.

وقىرمان سۇراعىنا سىرتقى ىستەر ۆيتسە-ءمينيسترى رومان ۆاسيلەنكونىڭ جاۋابىن ۇسىنامىز:
– بۇل جوبانىڭ ماقساتى – جەتكىنشەكتەردى ديپلوماتيا سالاسىمەن جاقىن تانىستىرۋ, سىرت­قى ىستەر مينيسترلىگى مەن قازاقستانداعى شەتەل ەلشىلىكتە­رىنىڭ جۇمىسىن كورسەتۋ, ديپلومات بولعىسى كەلەتىن جاستارعا باعىت-باعدار بەرۋ.
«رۋحاني جاڭعىرۋ» باعدارلاماسى اياسىنداعى سىرتقى ىستەر مينيسترلىگىنىڭ بۇل جوباسىنا ەلوردانىڭ №3, 4, 5, 6, 48, 75, 81 مەكتەپتەردىڭ وقۋشىلارى قاتىسىپ جاتىر. جوباعا قاتىسۋشىلار قاراشا-جەلتوقسان ايلارىندا برازيليا, گەرمانيا, گرۋزيا, كورەيا, جاپونيا, پولشا, تۇركيا سىندى جەتى مەملەكەتتىڭ ەلشىلىكتەرىندە ديپلوماتيالىق قىزمەتتىڭ قىر-سىرىمەن تانىسىپ, وقۋشىلارعا تانىمدىق ماقساتتاعى شارالار ۇيىمداستىرىلادى. ەلشىلەر وقۋشىلارمەن بىرلەسىپ جۇمىس جاساپ قانا قويماي, ءوز تاجىريبەلەرىمەن بولىسەدى. ەكى ايدان سوڭ قاتىسۋشىلار بۇۇ مودەلىنە سايكەس «بولاشاقتىڭ ەنەرگياسى» تاقىرىبىندا وتىرىس وتكىزىپ, ەنەرگيا تاقىرىبىن تالقىعا سالادى.