جاننا مۇقىشەۆا, ەلوردا تۇرعىنى:
– قىس تۇسسە استانانىڭ اسپانىن ءتۇتىن باسۋى ۇيرەنشىكتى جاعدايعا اينالدى. وعان «جىلۋ ەلەكتر ورتالىقتارى مەن اۆتونومدى قازاندىقتاردان, جەكەمەنشىك ۇيلەردىڭ مۇرجاسىنان شىعاتىن ءتۇتىن جانە اۆتوكولىكتەردەن بولىنەتىن گاز جەل سوقپاعان كۇندەرى اۋانى تورۋىلداپ تۇرىپ الاتىنى سەبەپ بولادى» دەپ تۇسىندىرىلەدى. وسى ماسەلەنىڭ الدىن الۋ ءۇشىن بيىل قانداي شارالار قولدانىلىپ جاتىر؟
وقىرمان ساۋالىنا استانا قالاسى قورشاعان ورتانى قورعاۋ جانە تابيعاتتى پايدالانۋ باسقارماسىنىڭ تابيعاتتى پايدالانۋ سالاسى بويىنشا قىزمەت كورسەتۋ ءبولىمىنىڭ باسشىسى
ءابدىماناپ جۇمادىلداەۆتىڭ جاۋابىن ۇسىنامىز:
– قالاعا گاز تارتۋ جۇمىسى رەتكە كەلتىرىلگەننەن كەيىن بۇل جاعداي ەداۋىر جاقسارۋى ءتيىس. ياعني, استانا اۋا اتموسفەراسىنىڭ تازارۋى ءۇشىن قالا گازبەن جىلىتۋ جۇيەسىنە كوشۋى قاجەت. جالپى, 2025 جىلى ەلوردا گازبەن جىلىتۋعا تولىق كوشەدى. سوندىقتان بيىل دا استانادا تۇتىنگە بايلانىستى ازداعان پروبلەما بولۋى مۇمكىن. دەگەنمەن جاعدايدىڭ الدىن الۋ شارالارى جاسالىپ جاتىر. مىسالى, جىلۋ-
ەلەكتر ورتالىقتارىنىڭ مۇرجالارى ۇزارتىلىپ, ولاردىڭ بيىكتىگى 120 مەترگە جەتكىزىلدى. وسىنىڭ ارقاسىندا ءتۇتىننىڭ ءبىراز بولىگى ەندى قالا اۋماعىنا بۇرىلمايتىن بولادى.
