گۇلجان وزەنباەۆا, قالا تۇرعىنى:
– مەن استاناعا جاقىندا كوشىپ كەلدىم. ەندى وسى قالادا وتباسىمىزبەن ءبىر كاسىپ باستاساق دەپ ەدىك. ءبىز سياقتى ازاماتتارعا مەملەكەتتەن قانداي كومەك بار؟ كىمگە بارىپ, اقىل-كەڭەس سۇراساق بولادى؟
بۇل سۇراققا ينۆەستيتسيالار جانە كاسىپكەرلىكتى دامىتۋ باسقارماسى باسشىسىنىڭ ورىنباسارى ەرلان بەكمۇرزاەۆ جاۋاپ بەرەدى:
– ەلىمىزدىڭ باسقا ايماقتارىنداعىداي ءبىزدىڭ قالامىزدا دا كاسىپكەرلىكپەن اينالىسقىسى كەلەتىن ازاماتتار ءۇشىن جاسالعان «بيزنەستىڭ جول كارتاسى – 2020» باعدارلاماسى ىسكە اسىپ وتىر. بۇدان بولەك «استانا بيزنەس», «Astana – ZhasStarT», «Startup», «Astana Retail», «استانا سەرۆيس» سياقتى جەرگىلىكتى تۇرعىندارعا ارنالعان باعدارلامالار بار. كاسىبىن ەندى باستاپ جاتقاندار, مىسالى, «Startup» باعدارلاماسى بويىنشا كومەك الا الادى. بۇل باعدارلاما قۇنى 316 ملن تەڭگە بولاتىن 7 ءتۇرلى جوبانى قامتيدى. ال «استانا سەرۆيس» باعدارلاماسى ارقىلى 441 ملن تەڭگەنىڭ 6 جوباسى جۇزەگە اسىرىلماق. سوندىقتان, كاسىپكەرلىكپەن اينالىسقىسى كەلەتىن ازاماتتار ءوز جوسپارىن انىقتاپ الىپ, ءبىزدىڭ دەپارتامەنتكە كەلىپ, مامانداردان كەڭەس السا بولادى.
