استانا قالاسىنىڭ اكىمدىگىندە ەلورداداعى ۇلەسكەرلەردىڭ ارالاسۋىمەن سالىنىپ جاتقان پروبلەمالى نىساندار جايى تالقىلاندى. ءىس-شاراعا «ەلوردا قۇرىلىس كومپانياسى» جشس ديرەكتورى ءۋاليحان دوساەۆ, استانا قالالىق ورتا ساپاسى جانە باقىلاۋ باسقارماسى باسشىسىنىڭ ورىنباسارى داۋلەت دوسقۇلوۆ قاتىستى.
جيىندا العاشقى ءسوزدى العان ۋ. دوساەۆ ءوزى جەتەكشىلىك ەتىپ وتىرعان ۇيىمنىڭ باستى مىندەتى «نۇرلى جەر» باعدارلاماسى اياسىنداعى پروبلەمالى نىسانداردىڭ قۇرىلىسىن اياقتاۋعا باعىتتالاتىن, ال وعان ءتيىستى قارجى ۇلتتىق قوردان بولىنەتىنىن ءتۇسىندىرىپ بەردى. ول سونداي-اق قازىرگى ۋاقىتتا 3078 ۇلەسكەردىڭ تۇرعىن ۇيمەن قامتاماسىز ەتىلۋىنە 14,4 ملرد تەڭگە بولىنگەنىن, قۇرىلىستى اياقتاۋ بويىنشا بىرلەسكەن جۇمىستار تۋرالى كەلىسىم جاسالعانىن تىلگە تيەك ەتىپ ءوتتى. ءسوز اراسىندا بىرنەشە تۇرعىن ءۇي كەشەنىن مىسالعا الا وتىرىپ, قولدانىسقا بەرىلەتىن مەرزىمىن دە اتاپ ءوتتى. بۇدان بولەك, ەكونوميكالىق تيىمدىلىكتى انىقتاۋ ءۇشىن «تۇران-سىعاناق», «تەرريتوريا كومفورتا-1», «ستوليچنىي 2», «Future home Astana», «جاستار-4», «اقەركە-2», «ميرنىي دوم» تۇرعىن ءۇي كەشەندەرىنە كونكۋرس جاريالانعانىنان حاباردار ەتتى.
ال داۋلەت دوسقۇلوۆ قالالىق باسقارمانىڭ 51 پروبلەمالى نىساندى نازاردا ۇستاپ وتىرعانىن ءمالىم ەتتى. ونىڭ ىشىندە 28-ءى اسا پروبلەمالى دەڭگەيدە ەكەنىن جاسىرىپ قالمادى. بۇعان قوسا زاڭسىز سالىنعان قۇرىلىس ورىندارىنىڭ دا جۇمىسىن ايتىپ بەردى.
