ءشارىپجامال ابىلماعجانوۆا, زەينەتكەر, ەلوردا تۇرعىنى:
– 1963 جىلى پايدالانۋعا بەرىلگەن بەيبىتشىلىك كوشەسى, 29-ءۇي مەكەنجايىنداعى 5 قاباتتى تۇرعىن ءۇي 2008 جىلى اپاتتى دەپ تانىلعان بولاتىن. بىراق 2009 جىلعى داعدارىسقا بايلانىستى بۇل ءۇيدى كۇرەۋ جۇمىستارى كەشەۋىلدەپ قالدى. جوسپار بويىنشا وسى تۇرعىن ءۇي ەندى قاشان سۇرىلەدى؟
وقىرمان ساۋالىنا استانا قالاسى سارىارقا اۋداندىق اكىمدىگى تىنىس-تىرشىلىكتى قامتاماسىز ەتۋ ءبولىمىنىڭ باسشىسى اندرەي مارچەنكو جاۋاپ بەرەدى.
– 2015 جىلعى تەحنيكالىق قورىتىندىعا سايكەس, بەيبىتشىلىك كوشەسىندەگى 29-ءۇيدىڭ توزۋى 43 پايىزدى كورسەتكەن. ال اپاتتى ۇيلەردىڭ كورسەتكىشى 61 پايىز بولۋى كەرەك. بۇل تۇرعىن ءۇي اپاتتى دەپ سانالمايتىندىقتان, ەشقانداي كۇرەۋدى قاجەت ەتپەيدى. قازاقستان رەسپۋبليكاسى «تۇرعىن ءۇي قاتىناستارى» تۋرالى زاڭنىڭ 34.50-بابى بويىنشا ءۇي يەلەرى جىلجىمايتىن مۇلىكتىڭ ءتيىستى تەحنيكالىق جانە سانيتارلىق جاعدايىن قاتاڭ باقىلاۋدا ۇستاپ, پاتەرلەرىنە كۇتىممەن قاراۋعا مىندەتتى.
