قالا اكىمى اسەت يسەكەشەۆ جيىن وتكىزىپ, ەلوردانىڭ 2018-2019 جىلعى كۇز-قىس ايلارىنداعى جىلىتۋ ماۋسىمىنا دايىندىق بارىسىن پىسىقتادى.
ەگەر قالا اۋداندارى بويىنشا سارالاپ وتسەك, بايقوڭىر اۋدانى اۋماعىندا 452 كوپ پاتەرلى تۇرعىن ءۇيدىڭ 439-ى ورتالىق جىلىتۋ جۇيەسىنە قوسىلعان. بۇگىنگى كۇندە 247 ءۇي جىلىتۋ ماۋسىمىنا دايىن. بۇل جالپى تۇرعىن ۇيلەر سانىنىڭ 56 پايىزىن قۇرايدى. ەسىل اۋدانىندا كوپ قاباتتى 479 تۇرعىن ءۇيدىڭ 444-ءى ورتالىق جىلىتۋ جۇيەسىنە, 13 ءۇي اۋداننىڭ قازاندىعىنا, 15 ءۇي اۆتونومدىق جىلىتۋ جۇيەسىنە قوسىلعان. سارىارقا اۋدانىنداعى تۇرعىن ۇيلەردىڭ 86 پايىزىندا دايىندىق جۇمىستارى جۇرگىزىلگەن. الماتى اۋدانىندا دا جىلىتۋ ماۋسىمىنا دايىندىق جوسپارلى تۇردە اتقارىلىپ جاتىر. قازىر بارلىق تۇرعىن ۇيلەردىڭ 65 پايىزى جاڭا ماۋسىمعا دايىن دەۋگە بولادى.
جاۋاپتى ماۋسىمعا «استاناەنەرگوسەرۆيس» كاسىپورنىندا بەكىتىلگەن كەستە بويىنشا جوندەۋ جۇمىستارى ءجۇرىپ جاتىر. قىسقا دايىندىق جۇمىستارى «استانا سۋ ارناسىندا» دا جوسپارعا ساي ءوتىپ جاتقانىن مەكەمەلەردىڭ باسشىلارى جاريا ەتتى.
