قازاقستان رەسپۋبليكاسى تاۋەلسىزدىگىنىڭ 25 جىلدىعىنا ارنالعان «الماتى – تاۋەلسىزدىگىمىزدىڭ التىن بەسىگى» دەگەن تاقىرىپپەن الماتى قالاسىنىڭ استاناداعى مادەنيەت كۇندەرى وتەدى. يگى ءىس-شارا قاراشانىڭ 5-6 كۇندەرى جوسپارلانىپ وتىر.
قاراشانىڭ 5 كۇنى (ساعات: 10:00-دە) قازاقستان رەسپۋبليكاسىنىڭ مۇراجايىندا «الماتى – تاۋەلسىزدىكتىڭ التىن بەسىگى» اتتى كورمە وتەدى. سونداي-اق «قازاقكونتسەرت» كونتسەرت زالىندا (ساعات: 17:00-دە) الماتى قالاسىنىڭ شىعارماشىلىق ۇجىمدارى مەن ونەر يەلەرىنىڭ قاتىسۋىمەن گالا-كونتسەرت جانە فوتوكورمە جوسپارلانىپ وتىر. بۇدان بولەك الماتىلىق اقىن-جازۋشىلار (ساعات: 15:00-دە) قازاقستان رەسپۋبليكاسىنىڭ ۇلتتىق كىتاپحاناسىندا جاستارمەن كەزدەسىپ, وقىرماننىڭ ساۋالدارىنا جاۋاپ بەرەدى.
سونىمەن قاتار 5-6 قاراشا كۇندەرى ق.قۋانىشباەۆ اتىنداعى قازاق مۋزىكالىق تەاترىندا (ساعات: 11:00, 15:00-دە) مەملەكەتتىك قۋىرشاق تەاترىنىڭ قايرىمدىلىق قويىلىمدارى ۇيىمداستىرىلادى. الماتىنىڭ استانا قالاسىنداعى مادەنيەت كۇندەرى بەيبىتشىلىك جانە كەلىسىم سارايىنداعى (ساعات 15:00-دە) ءداستۇرلى مۋزىكا كەشىمەن تۇيىندەلەدى.
سەرىك قۇدايبەرگەنۇلى
