«بيزنەستىڭ جول كارتاسى – 2020» شەڭبەرىندە 26 كەلىسىمىنە قول قويىلدى

ءۇشىنشى توقساندا «استانا بيزنەس» باعدارلاماسى بويىنشا 14 كاسىپكەر جىلىنا 7,6%-بەن جالپى سوماسى 1 536,8 ملن تەڭگە بولاتىن جەڭىلدەتىلگەن نەسيەلەر الدى. «جاڭا بيزنەستى اشۋدى قولداۋ» جوباسى بويىنشا وقىپ شىققان ءۇش ادام ءوز ءىسىن اشتى. ستۋدەنتتەرگە ارنالعان «ستۋدەنت جاستاردىڭ كاسىپكەرلىك باستامالارىن قولداۋ» اتتى جەكە باعدارلاما دا قاراستىرىلعان, ول بويىنشا 20-دان اسا ادام وقۋ كۋرستارىنان ءوتىپ, بىرەۋى بيزنەس-جوباسىن جۇزەگە اسىرا الدى.

سونىمەن قاتار, 39 جاس كاسىپكەر «Astana-ZhasStarT» باعدارلاماسىنا قاتىسىپ, جىلىنا 7%-بەن جالپى سوماسى 540,8 ملن تەڭگەنىڭ نەسيەلەرىن الدى. «دامۋ-كومەك» جوباسىنا قاتىسۋدىڭ ارقاسىندا مۇمكىندىگى شەكتەۋلى 4 كاسىپكەركە دەمەۋشىلىك كومەك كورسەتىلدى.

سونداي-اق, ەلوردانىڭ كاسىپكەرلەرگە قىزمەت كورسەتۋ ورتالىعىندا (كقكو) بيزنەستى مەملەكەتتىك قولداۋ, بۋحگالتەرلىك جانە سالىقتىق ەسەپ, بيزنەس-جوسپارلاردى ازىرلەۋ بويىنشا 1 214 قالا تۇرعىنى تەگىن كونسۋلتاتسيا الدى.

astana.gov.kz