كۇنى كەشە ەلىمىزدىڭ ساياسي ومىرىندە دە ايتۋلى وقيعا ورىن الىپ, «نۇر وتان» پارتياسىنىڭ كەزەكتەن تىس XXII cەزى ءوتىپ, پارتيا توراعاسى قاسىم-جومارت توقاەۆتىڭ پارتيانىڭ جاڭا اتاۋى «امانات» بولىپ وزگەرەتىنىن قولداعانىنىڭ كۋاسى بولدىق.
قازاقتىڭ كيەلى امانات ءسوزىنىڭ ءمان-ماعىناسىنىڭ تەرەڭ ەكەنىن ءتۇسىندىرىپ جاتۋدىڭ ءوزى ارتىق بولار. ۇلت رۋحانياتىنا تەرەڭ تامىر جىبەرگەن جاندار جىلى قابىلداپ, اتا- بابا اماناتىنا ادال بولىپ, ءداستۇر جالعاستىعىنىڭ وزىق ۇلگىسىن كورسەتىپ كەلە جاتقانى بارشامىزعا ايان. ەندەشە, «امانات» پارتياسىنا جۇكتەلەر جۇك تە جەڭىل بولماسى انىق. «جاڭا قازاقستان» قۇرۋدا, ەلدىڭ ءال-اۋقاتىن ارتتىرىپ, ەكونوميكاسىن دامىتۋدا جاڭاشا كوزقاراس قالىپتاستىرىپ, حالىق سەنىمىنە يە بولۋ ءۇشىن ايانباي كۇنى-ءتۇنى قىزمەت قىلۋ كەرەك بولادى. پارتيا توراعاسى ايقىنداعان مىندەتتەر, اتاپ ايتار بولساق, قوعاممەن شىنايى كەرى بايلانىس ورناتىپ, «حالىق ۇنىنە قۇلاق اسساق», پارتيانىڭ قۇرىلىمدىق بولىمشەلەرىنىڭ باستاماشىلدىعىنا باسىمدىق بەرىلەتىن بولسا, قاپتاعان شىندىققا جاناسپايتىن ەسەپتەر ازايىپ, شىنايىلىق تورگە شىعاتىن بولسا, «جاڭا قازاقستاننىڭ» جاس قۇرىلىسشىلارىن قالىپتاستىرۋدى قولعا الاتىن بولسا, اتا-بابا اماناتىنا ادالدىق تانىتىپ, ەل تاۋەلسىزدىگىن نىعايتۋعا قوسار ۇلەستەرى ەسەلەنە تۇسەرى ءسوزسىز. پارتيانىڭ ساياسي كەڭەسىنىڭ قۇرامىندا ءبىز بىلەتىن, بەدەل بيىگىنەن كورىنىپ, سەنىم جۇگىن ارقالاپ جۇرگەن جاس عالىمدار, اقىن-جازۋشىلار, «بولاشاق» باعدارلاماسىنىڭ تۇلەكتەرى مەن جوعارى وقۋ ورىندارىنىڭ جەتەكشىلەرىنىڭ بولۋى – پارتيانىڭ ابىرويىن ارتتىرىپ, ەل يگىلىگى ءۇشىن يگى ىستەردى ەڭسەرەتىندەرى كۇمان تۋدىرماسى انىق.
ولاي بولسا, اماناتقا قيانات بولماي, ىرگەلى ىستەرىڭىزدە ساتتىلىك سەرىك بولسىن, پارتيالاستار!
كارىمبەك قۇرماناليەۆ,
ۇعا اكادەميگى, فيولوگيا عىلىمدارىنىڭ دوكتورى, پروفەسسور
