بيلەۋشى پارتيانىڭ اتاۋى ءبىرىنشى رەت وزگەرتىلىپ جاتپاعانى بارشاعا ايان. العاشقىدا ول «وتان» دەپ اتالدى. كەيىن «نۇر وتان» بولىپ وزگەرتىلدى. ەندى, مىنە, «امانات» دەپ اتاپ جاتىرمىز.
پارتيا اتاۋىنىڭ وزگەرۋىمەن بىرگە ونىڭ الداعى مىندەتتەرى دە اۋىسىپ وتىراتىنى بەلگىلى. زامان اعىمىنا قاراي الدا جاڭا ماقساتتار تۇر. سوندىقتان ساياسي ۇيىمنىڭ بۇل قادامى جاڭا سەرپىن بولدى دەپ ەسەپتەيمىن.
«امانات» دەگەن اتاۋ پارتياعا, سونىمەن قاتار ونىڭ مۇشەلەرىنە زور جاۋاپكەرشىلىك جۇكتەيدى. سەبەبى «امانات» دەگەن ءسوزدىڭ ءتۇپ توركىنىنە ۇڭىلەر بولساق, تۇسىنە بىلگەن ادامعا بۇل ءسوزدىڭ استارىندا تەرەڭ ماعىنا جاتىر.
ءوزىم 2007 جىلدان بەرى وسى پارتيانىڭ مۇشەسىمىن. پارتيانىڭ باعدارلامالارى ايقىن, پارتيالاستارىمنىڭ كوبى ەلجاندى ازاماتتار دەپ سانايمىن.
«امانات» پارتياسىنىڭ كەلەشەگى زور بولاتىنىنا, ەلىمىزدى ۇلكەن جەتىستىكتەرگە جەتەلەيتىنىنە سەنەمىن.
نۇرلان وتەش,
قوعام قايراتكەرى
