استانادا پەدياتريالىق قىزمەتتى جەتىلدىرۋ ماقساتىندا جۇكتى ايەلدەر, جاس انالار مەن ولاردىڭ بالالارى ءۇشىن «دەنى ساۋ انا – دەنى ساۋ ءسابي» اتتى ايلىق باستالدى.
ايلىق اياسىندا قالالىق مەديتسينا مەكەمەلەرىندە جوعارى بىلىكتى ماماندار تەگىن كەڭەستەر بەرەتىن بولادى. سونىمەن قاتار, پراكتيكالىق ساباقتار وتكىزىلەدى. ونىڭ بارىسىندا جاس انالارعا بالا ەمىزۋ پرينتسيپتەرى بالانى باعىپ-كۇتۋ, انالاردىڭ دۇرىس تاماقتانۋى مەن بالالاردى شىنىقتىرۋ, سونداي-اق, مەحانيكالىق اسفيكسيا مەن ءتراۆماتيزمنىڭ الدىن الۋ تۋرالى دارىستەر وقىلادى. وتباسىلىق قارىم-قاتىناس, بالا تۋعا دايىندىق جانە سەرىكتەسپەن بىرگە بوسانۋدىڭ ەرەكشەلىكتەرى تاقىرىبىندا ارنايى ينتەراكتيۆتى وقىتۋ ساباقتارى, اڭگىمەلەسۋ مەن ترەنينگتەر ۇيىمداستىرىلادى.
شارا بارلىق قالالىق ەمحانالاردا, «دەمەۋ» وقىتۋ-پراكتيكالىق وتباسىلىق مەديتسينا ورتالىعىندا, №1 جانە №2 پەريناتالدىق ورتالىقتاردا, №1 جانە №2 بالالار اۋرۋحانالارىندا جانە قالالىق پەرزەنتحانادا وتەدى. ايلىق 16 ماۋسىمعا دەيىن جالعاسادى.
