ادام جانىنا اراشا تۇسەتىن دارىگەر ماماندىعى ۇلكەن جاۋاپكەرشىلىكتى تالاپ ەتەدى. سەبەبى مەديتسينا وكىلدەرىنىڭ موينىنا ارتىلار جۇك ولشەۋسىز. اسىرەسە, بيىل ىندەتپەن كۇرەستە العى شەپتە ءجۇرىپ, مىندەتىن ادال اتقارعان, ءومىر مەن ءولىم ارپالىسىندا تالاي ناۋقاستى امان الىپ قالعان اق حالاتتىلاردىڭ ەڭبەگى ەرەن. سولاردىڭ ءبىرى – №2 كوپسالالى قالالىق اۋرۋحانانىڭ پۋلمونولوگيا ءبولىمىنىڭ مەڭگەرۋشىسى – جانسايا سوپىعاليەۆا.
ەڭبەك بيىگىن باعىندىرۋدى جاس مامان تەراپەۆت قىزمەتىنەن باستايدى. بۇل دارىگەردى شىڭداپ, توسىن وقيعالاردا توسىلىپ قالمايتىنداي تاجىريبە بەردى. الايدا جانسايا ەلىمىزدە پۋلمونولوگتاردىڭ تاپشى ەكەنىن بىلگەننەن باستاپ, سول سالادا قىزمەت ەتۋگە بەل بايلايدى.
«كوپشىلىك پاندەمياعا دەيىن پۋلمونولوگتىڭ قانداي قىزمەت اتقاراتىنىن بىلمەدى. ماسەلەن, ءوزىمنىڭ تانىستىرعان كەزدە بىردەن قانداي مامان ەكەنىمدى سۇرايتىن. ەندى ءبارى بىلەدى دەپ ويلايمىن. اتام مەنىڭ دارىگەر بولعانىمدى ارمانداعان جانە بۇل مەنىڭ ماماندىق تاڭداۋىما اسەر ەتتى. ۋنيۆەرسيتەتتى بىتىرگەننەن كەيىن ەمحانادا تەراپەۆت بولىپ جۇمىس ىستەدىم. ەكى جىلدان كەيىن پۋلمونولوگتاردىڭ جەتكىلىكسىز ەكەنىن كوردىم. وسىدان كەيىن سول ماماندىقتى تاڭداۋعا شەشىم قابىلدادىم» دەيدى دارىگەر.
نايما نۇرالىقىزى
