وتكەن دەمالىس كۇندەرى استاناداعى ا.يمانوۆ پەن ە.برۋسيلوۆسكي كوشەلەرى قيىلىسىنداعى سۋ قۇبىرىنداعى اپاتقا بايلانىستى بىرقاتار اۆتوبۋس باعدارلارىندا ءوزگەرىستەر بولعانى جونىندە ۇيالى تەلەفونىمىزداعى «Astrabus» قوسىمشاسى ارقىلى حابارلاما الدىق.
«استانا سۋ ارناسى» مكك حابارلاۋىنشا, ءتيىستى جۇمىستار جۇرگىزىلىپ, اپات سالدارى جويىلدى.
اپاتتىڭ سەبەبىن ايتساق, سول ماڭدا قۇرىلىس جۇمىستارىن جۇرگىزگەن «سەرۆيسستروينەس» كومپانياسى بۇرعىلاۋ كەزىندە ديامەترى 1000 مم سۋ قۇبىرىن تەسكەن. مۇنى قالپىنا كەلتىرۋگە 30-دان استام جۇمىسكەر مەن 27 تەحنيكا تارتىلدى.
جوندەۋ جۇمىستارى ۋاقىتىندا كەنەسارى, 70, ا.جۇبانوۆ, 10, 10ا, ا.يمانوۆ, 41, ە.برۋسيلوۆسكي, 2, 5, ب.بەيسەكباەۆ, 2, 9 كوشەلەرىندەگى تۇرعىن ۇيلەر سۋدان اجىراتىلدى.
حالىق سۋسىز وتىرماۋ ءۇشىن ول كولىكپەن جەتكىزىلىپ تۇردى. جەكسەنبى كۇنى سۋمەن جابدىقتاۋ قالپىنا كەلتىرىلدى.
