كەشە ەلوردا اكىمى التاي كولگىنوۆ سارىارقا اۋدانىنداعى ى.دۇكەنۇلى كوشەسى, 21 مەكەنجايىندا ورنالاسقان ءۇيدىڭ تۇرعىندارىمەن كەزدەستى.
«بەس قاباتتى جاتاقحانا 1966 جىلى سالىنعان. وندا شامامەن 170 بولمە بار, 600-گە جۋىق ادام تۇرادى. تۇرعىنداردا ەلەكتر, سۋ, كارىزگە قاتىستى ماسەلەلەر تۋىنداعان. سونىمەن بىرگە عيمارات ءىشى سۋىق, بۇل دەنساۋلىققا, اسىرەسە بالالار مەن جاسى كەلگەن كىسىلەرگە قيىن. ۇيگە تەحنيكالىق تەكسەرۋ جۇرگىزۋ كەزىندە ونىڭ 60 پايىزدان استامى توزعانى انىقتالىپ, عيمارات اپاتتى دەپ تانىلىپ, تىزىمگە قوسىلدى» دەپ جازدى ەلوردا باسشىسى ءوزىنىڭ Instagram پاراقشاسىندا.
سونداي-اق تۇرعىندارمەن كەزدەسۋدە تىزىمگە وسىدان 90 جىل بۇرىن سالىنعان اپاتتى ۇيلەر دە ەنگىزىلدى. جىل سوڭىنا دەيىن تۇرعىن ءۇي كوممۋنالدىق شارۋاشىلىعىن جاڭعىرتۋ باعدارلاماسى اياسىندا جوندەلگەن كوپپاتەرلى تۇرعىن ءۇيدىڭ جالپى سانى 50-دەن اسسا, 100-گە جۋىق جەدەلساتى جوندەلىپ, اۋىستىرىلادى.
