«بالالىق شاعىمنىڭ اسپانى», «قىز جىبەك», «تاقيالى پەرىشتە», «كوشپەندىلەر» جانە «بايتەرەك» فيلمدەرى تۇرىك تىلىنە اۋدارىلدى.
وسى اپتادا ىستامبۇلدا قازاقستاننىڭ تۇڭعىش پرەزيدەنتى نۇرسۇلتان نازارباەۆتىڭ بالالىق جانە جاستىق شاعىن باياندايتىن «بالالىق شاعىمنىڭ اسپانى» ءفيلمىنىڭ تۇساۋكەسەرى ءوتتى. شاراعا تۇركيا مادەنيەت جانە تۋريزم ءمينيسترىنىڭ ورىنباسارى كەمال گەنچ, ىستامبۇل قالاسىنىڭ باسشىلارى, تۇركياداعى قازاق دياسپوراسىنىڭ جانە بۇقارالىق اقپارات قۇرالدارىنىڭ وكىلدەرى قاتىستى.
تۇرىك تىلىندەگى دۋبلياج قازاقستاننىڭ تۇركياداعى ەلشىلىگىنىڭ تاپسىرىسىمەن جۇزەگە اسىپتى. تۇرىك كورەرمەندەرى ءفيلمدى وتە جىلى قابىلداعانعا ۇقسايدى.
قازاقستاننىڭ تۇركياداعى توتەنشە جانە وكىلەتتى ەلشىسى جانسەيىت تۇيمەباەۆ «بالالىق شاعىمنىڭ اسپانى» ءفيلمى تۇرىك جۇرتشىلىعىنا قازاقستان پرەزيدەنتى نۇرسۇلتان نازارباەۆتىڭ ومىرىمەن جاقىنىراق تانىسۋعا مۇمكىندىك بەرەتىنىن, سونداي-اق, تۇرىك تىلىنە اۋدارىلعان «قىز جىبەك», «تاقيالى پەرىشتە», «كوشپەندىلەر» جانە «بايتەرەك» فيلمدەرىنىڭ دە تۇرىك كورەرمەندەرىنە ۇمىتىلماس اسەر قالدىراتىنىن ايتادى.
