استانانىڭ قوعامدىق ۇيىمدارى اقمولا وبلىسىنا تاعى 12 توننا گۋمانيتارلىق كومەك جىبەردى, دەپ حابارلايدى astana-akshamy.kz
بۇعان دەيىن استانادان سۋ تاسقىنىنان زارداپ شەككەن وڭىرلەرگە 900 تونناعا جۋىق گۋمانيتارلىق كومەك جىبەرىلگەن بولاتىن. وتكەن دەمالىس كۇندەرى «رۋحاني قوعام الەمى» قوعامدىق قورى مەن استانا قالاسىنىڭ اۋعانستانداعى مۇگەدەكتەر مەن سوعىس ارداگەرلەرى وداعى سۋ تاسقىنىنان زارداپ شەككەندەرگە تاعى 12 توننا گۋمانيتارلىق كومەك بەردى, دەپ حابارلايدى ەلوردا اكىمدىگىنىڭ رەسمي سايتى.
ۇكىمەتتىك ەمەس ۇيىمدار اقمولا وبلىسىنىڭ بۇلاندى اۋدانىنا 12 توننا گۋمانيتارلىق كومەك جىبەردى.
قاتارداعى ازاماتتاردىڭ, سونىڭ ىشىندە اۋعان ارداگەرلەرىنىڭ ۇيىمشىلدىعىنىڭ ارقاسىندا ازىق-تۇلىك, ماتراتستار, كورپەلەر, كيىم-كەشەك پەن جىلى كيىم, زارداپ شەككەندەرگە قاجەتتى زاتتار جينالدى.
بۇعان دەيىن قور استانادان اقتوبەگە 7 تونناعا جۋىق گۋمانيتارلىق كومەك بەرگەن بولاتىن.
ەستەرىڭىزگە سالا كەتەيىك, ەلوردادا گۋمانيتارلىق كومەك قابىلدايتىن 9 پۋنكت جۇمىس ىستەيدى, جيىنعا 30-عا جۋىق ەرىكتىلەر ۇيىمى قاتىسادى. كۇن سايىن 200-دەن استام ەرىكتى قاجەتتى زاتتاردى سۇرىپتايدى جانە جىبەرەدى. نيەت بىلدىرۋشىلەر جىلى كيىم, ازىق-تۇلىك, ءدارى-دارمەك, قاجەتتى زاتتاردى اكەلەدى. ەرىكتىلەر قارجىلىق كومەكتى قابىلدامايدى.
نيەت بىلدىرۋشىلەر قاجەتتى ونىمدەردى جيناپ, ولاردى قابىلداۋ ورىندارىنا اپارا الادى.
